Gobièrnu di Kòrsou ta partisipá ku den e reunion di Konseho di Minister di dia 19 di novèmber 2014, Konseho di Minister a tuma e desishon definitivo pa ku ruta di karnaval 2015 pa ku Gran Marcha i despedida di Gran Marcha 2015. Gobièrnu di Kòrsou pa medio di esaki ta informá Pueblo di Kòrsou tokante e rutanan di e diferente paradanan di Karnaval 2015. Marcha hubenil riba 8 di febrüari 2015 i despedida di marcha hubenil riba 16 di febrüari 2015 ta start na: Plasa Hariri-Schottegatweg West-Weg naar Welgelegen-van Eyck van Voorthuyzenweg-naamloze verbinding achter Scheidelaar-Roodeweg-Breedestraat(O) i finalisá na Pater Eeuwensweg. Orario di salida di marcha hubenil ta:  15.00 ’or merdia. E ruta di marcha di Tiner ta tuma lugá 13 di febrüari 2015 i tin komo salida Jan Noorduynweg-Rooseveltweg-Plaza Hariri-Schottegatweg West-Weg naar Welgelegen-Van Eyk van Voorthuizenweg-Roodeweg- Breedestraat(O)-Brionplein i ta finalisá na Pater Eeuwensweg, Orario di salida marcha Tiner ta:  18.00 ‘or atardi Marcha di Banda Bou ta tuma lugá riba 14 di febrüari 2015 i tin komo salida Hòfi Abou sigui pa Kaminda Próspero ” Popo” Rojer i terminá na Vèlt di Barber. Orario di salida Marcha di Banda Bou ta: 15.00 ‘or merdia. E ruta di gran Marcha di 15 di febrüari 2015  i despedida di Gran Marcha riba 17 di febrüari 2015 ta lo siguiente: E marcha ta sali na Jan Noorduynweg-Rooseveltweg-Plasa Hariri- Schottegatweg West-Weg naar Welgelegen -Van Eyk van Voorthuizenweg-Roodeweg-Breedestraat(O)-Brionplein i ta finalisá na Pater Eeuwensweg. Orario di salida Gran Marcha ta 11:00 ‘or mainta. Orario di salida Despedida Gran Marcha (17 di febrüari 2015) ta 17:00 ‘or atardi. Na nòmber di Gobièrnu di Kòrsou