Anna ta un ama di kas, ku ta drenta su kushina mainta sali anochi pa subi su kama. Den kushina e ta eksperenshá tur loke ta pasa rondó di dje, su legria i tristesa ta forma parti di e kushina ku e ta pasa su dia tur dia aden. Tur su bishitantenan e ta risibí nan den su kushina, miéntras e ta kushina i limpia, e tabata tende for di boka di bishitantenan tur loke ta pasa den mundu eifó, i ta duna su komentario. Un bon bishitante di dje yama Anta. Anta semper ta bishit’é pa bebe poko kòfi i papia ku otro riba nan dolónan. Anta ta e persona ku a trese e notisia ku den kaya tin papia ku Wenco, un simpel suidadano ku ningun hende no por pensa, tin intenshon di organisá un evento grandi. Wenco manera tur mainta, ta pasa bebe kòfi promé ku e siguí su kaminda, ta wòrdu konfrontá ku e rumor ku ta kore riba kaya…. E redu ku tabata kore rònt Kòrsou a kuminsá kushi den wea di Ana su kushina, i asina kristalisá Wenco su imaginashon den realidat. Den kushina di Ana tur preparashon a kuminsá, i Wenco ta involukrá tantu Ana i Anta ku no sa niun pataka pa yuda den organisashon. Kada un ta haña un puesto. Ana ta bira su ayudante general, i Anta ta bira asistente di su asistente general. Un bululú formal tin na momentu di preparashon di e show. Hopi negoshashon robes pa drechi, ku final di kuenta e para ku Wenco a tira, ta resultá tòg di bon. Un produkshon lokal interpretá pa Dynaica Carty- Ana, Dianaila Nersicio-Anta, Shuwendy Bernadina- Wenco, Estefania Zimmerman-Shishi, Flavia Woodriffe-Maria, Milushka Martis-Elena, i shete aktor mas komo aktor figurante. Kanal Elouisa  (Kanal 85 riba BO TDS) ta invitá bo pa mira i disfrutá di otro produkshon den bo idioma Papiamentu. Pa esnan ku no tin kanal Elouisa ainda, por yama 9242 solisitá e kanal òf por pasa na TDS su ofisina nobo nobo na Vinik Plaza pa abo tambe por disfrutá di “ DEN KUSHINA DI ANA” riba kanal 85 di TDS, Kanal Elouisa. Aboná awor riba Kanal Elouisa (TDS 85)