Fundashon JAG ta habri ofisialmente awe, dia 4 di oktober 2019 e oportunidat pa inskribi pa partisipa na elekshon nan pa Reina, Prens i Pancho Hubenil i Adulto, Rei i Reina Tiner i tambe Festival di Tumba Hubenil 2020.

Si bo ta un hóben òf adulto disiplina, aktivo, sosial i ku stima Karnaval ku ta parti di nos Kultura, bo por inskribí pa asina forma parti di e elekshon nan pa ku embahadornan pa nos Marchanan di Karnaval 2020.

Pa elekshon Hubenil edat ta 07 pa 12 aña, elekshon Tiner ta 13 pa 17 aña, no mag di tin yu, pa elekshon Adulto mester tin 18 aña i por tin yu. Sea bo ta forma parti di un grupo, skol, organisashon òf individual tur por partisipá.

I pa Tumba Hubenil Kantante edat ta 09 pa 15 aña i Kompositor (15+).

I keda pendiente pa nos anunsiá unda i kon nos lo klousura e inskripshon di un forma karnavalesko. Pa por inskribí pa e tres elekshon nan por hasie na e siguiente mail: inskripshon.jag@hotmail.com of por tuma kontakto na telefon 526 0475 / 685 0475 of via di nos facebook: Fundashon JAG.

Pa inskripshon di Tumba Hubenil por tuma kontakto na telefon 529 5216 of via email:

tumbahubenil2020@gmail.com of via nos facebook: Tumba hubenil Kòrsou.

Hasi lihe pa bo no keda for di e selebrashon 50 edishon Karnaval Kòrsou 2020.