40 aña di autonan clasico den showroom di Garage Cordia Ainda nan ta luci riba caminda

ORANJESTAD, Aruba – 29 di maart 2016: Riba dianan 16 y 17 di Maart ultimo Garage Cordia Aruba a tene un show cu autonan clasico data for di 40 aña pasa y cu ainda ta luci riba caminda, relaciona cu e Toyota Quality and Durability Show y tambe e celebracion di 30 aniversario di nos Status Aparte, 40 aña di nos Himno y Bandera y 50 nniversario di Garage Cordia. Mayoria di e autonan cu a participa den e show aki ta autonan bendi na clientenan den transcurso di e añanan y cu ainda ta coriendo riba e camindanan di Aruba. Sigur esaki tabata un bista hopi espectacular, pa mira cu ainda tin di e modelonan aki den e temponan moderno cu nos ta bibando aden awendia.