Ban wak final di World Baseball Classic 2017 ku TDS

Pa 2 siman kaba TDS a bin ta propagandá e pakete di World Baseball Classic ku un premio pa 2 persona pa bai Los Angeles, California i presensiá tantu e semi final i naturalmente e final di World Baseball Classic 2017.

Tur miembro di TDS ku a tuma i paga pa nan pakete di MLB Xtra Innings a drenta e tómbola pa gana e premio inolvidabel aki. TDS semper ta enfatisá ku su miembronan no solamente mester mira televishon pero masha importante mes, biba i eksperensia Televishon.

Den e programa awe 14 di mart 2017 di Morgan Mainta na TCFM a saka e ganador di e premio aki ku ta inkluí, pasashi ida i buèlta pa Los Angeles, 5 anochi di Hotel na Hollywood California, mas entrada pa 3 wega di WBC2017 kual ta e 2 semi finalnan i e wega final, mas un suma kèsh di USD500.00

Tur esaki pa 1 miembro i e persona ku e kier bai ku n’e.

E ganador apsoluto a resultá di ta Sr. Demy Rosario ku na ora di a risibí e notisia no por a kaba di kere ku e mes ta e persona ku lo presensiá e 3 weganan aki bibu den Dodgers Stadium dianan 20-21 i 22 di mart próksimo en bes di sinta tras di su pantaya di televishon na kas.

TDS kier a felisitá Sr. Rosario ku su premio i gradisié di ta nos miembro. Awor mas ku nunka TDS sa ku Sr. Rosario lo keda ku TDS 4 life.