Diabierna dia 13 di December miembronan di ‘ The Green Technology Center of Korea (GTC-K) y ‘ The Korean Institute of Science and Technology (KIST) a bishita Parke Nacional Arikok pa un excursion informativo. E excursion a wordo organisa door di Parke den colaboracion cu Utilities NV, Freezone  Aruba, TNO y WEB Aruba NV.  E delegacion Koreano a haña e tremendo oportunidad di cera conoci cu diferente proyecto sostenibel riba nos isla y tambe cu nos  planta di awa cu ta produci coriente y awa pa bebe, di un calidad unico, pa full nos isla. E delegacion Koreano a sigui pa Parke Nacional Arikok na unda informacion extenso a wordo duna di diferente sitio den Parke, investigacionan canando, e importancia di Parke y tambe Parke su plannan pa futuro. E delegacion y representante di Parke, Indra Zaandam, a haña e oportunidad di intercambia perspectiva riba tereno  di energia alternativo, e futuro di energia alternativo y tambe implicacionnan pa naturalesa na Aruba.  E excursion a sigui cu un almuerso tradicional, durante cua e delegacion a haña e oportunidad di saboria e sabor di cuminda tipico Arubiano.  Parke Nacional Arikok ta sumamente honra cu bishita di miembronan di KIST y GTC-K.