E siman bunita di San Valentino a yega. E siman ku ta kulminá dia 14 di febrüari próksimo dia mundu kompleto ta selebrá dia di Amor. AMOR, ta un palabra asina kòrtiku pero ku signifikashon asina grandi, i pa e motibu aki tambe hopi biaha difísil pa ekspresá. Pa e motibu aki, TDS a pone su kanal 70 disponibel pa mundu hinter por deklará nan Amor na nan persona kerí tantu na Kòrsou komo Boneiru. For di dia 9 di febrüari 2015 te ku 16 di febrüari 2015 tur persona ku kier ekspresá nan amor na otro por hasi esaki via di kanal 70. E servisio aki ta kompletamente grátis i mas di 130,000 bòks na Kòrsou i Boneiru por mira bo ekspreshon di amor. Pa hasi uso di e servisio aki ta fásil, djis manda un email na tdsmarketing@uts.cw ku bo mensahe huntu ku un potrèt di abo òf di e persona òf personanan ku bo kier deklará nan bo Amor, i TDS lo pone esaki riba kanal 70 pa tur kliente por mira. Kiko ta mas bunita ku ekspresá bo amor na un òf mas ser kerí? Kiko ta mas bunita ku mustra tur hende bo bondat i personalidat dor di ekspresá Amor? Hasi uso di e bunita oportunidat aki i deklará bo Amor riba Kanal 70 di TDS. For di awor TDS kier a deseá Kòrsou i Boneiru kompleto un felis dia di San Valentino.