BAÑO DI AWA FRIEU
Tabata ayera nochi durante e conferencia di prensa cu presidente di SMAC visiblemente desapunta, siendo cu aserca MUSICA desde oktober 2015 pa organisa e festival. Y a laga tur porta habri pa bienestar di e musiconan pa toch yega na un solucion. SMAC a haya un baño di awa frieu diahuebs ora cu MUSICA a informa oficialmente cu nan ta ‘entrega’ e encargo pa organisa e festival e aña aki. Como motibo principal a duna cu pa falta di sponsor nan no por a logra. SMAC a considera esaki un mal hecho mirando cu a wanta e organisacion carnavalesco na lina pa 12 dia prome cu e festival mester a start den gran forma, nan a bin cu e informacion aki.
SMAC claramente no a aprecia e gesto aki y a keda cu un sabor hopi amargo di e fundacion MUSICA.
Despues cu a ofrecenan 0 florin pa organisa e festival e unico exigencia tawata cu SMAC no kier para responsbel pa niun contract y niun debe hasi. A acerca e bandanan musical individualmente pa wak si tin interes pa nan participa toch den un eventual festival. Pero diahuebs anochi ora cu a tuma contacto cu e bandanan, a bira conoci hopi lihe cu e interes no tey, y cu esnan cu tin interes, e tempo ta mucho cortico.
SMAC a compronde cu tin bandanan cu a prepara como 7 cantica pa participa, pues toch tin cu a prepara. SMAC a aserca su main sponsernan pa organisa un concurso cu un suma cuantioso pa e cancion mas popular. Asina SMAC ta duna honor toch na esnan cu a prepara pa e festival sin cu nan ta keda perhudica.