WILLEMSTAD— E eksitoso akshon boluntario CURA DOET lo bolbe tuma lugá otro aña dia 10 i 11 di mart 2017. E periodo di inskripshon pa organisashonnan sosial ta sera djabièrne awor dia 23 di Desèmber 2017.  Curaçao Cares ta hasi un yamada na tur organisashon sosial, di deporte, di bario, skolnan i otro kousanan sosial pa bishitá www.curadoet.com i kompletá inskripshon via di e website. Tambe lo tin un dia di inskripshon djaweps dia 22 di desèmber próksimo di 4 or pa 7 or na Medialab na Biblioteka Públiko pa tur organisashon ku mester di yudansa ku nan inskripshon digital.

Aña pasá un total di 184 organisashon sosial rònt Kòrsou a partisipá na CURA DOET i mas o menos 5000 boluntario a duna un man durante e dos dianan den mart. Segun lider di proyekto Janis Vinck, “ tin espasio pa 225 organisashon sosial partisipá i nos lo kier pa tur organisashon hasi uso di e oportunidat di por haña un donashon di 1,100 máksimo pa kumpli ku nan deseo, pues organisashonnan sosial no mester pèrdè e chèns ei”.  Por lesa tur e rekisitonan pa bini na remarke pa e donashon aki riba www.curadoet.com. E aña aki un organisashon por krea un profil, inskribí un proyekto i tambe hasi petishon finansiero via di e website mes.

Pa tur organisashon nobo ku lo kier hasi mas pregunta of mester di guia, por email curadoet@curacaocares.org i tambe pasa na Biblioteka Nashonal djaweps entre 4 or I 7 or di atardi i e tim di Curaçao Cares lo yuda ku inskribí e proyekto. Tambe por yama te ku djabièrne na 788-1952 entere 9 or i 2 or di atardi.

No pèrde e chèns aki i bishita www.curadoet.com awe mes !