Djadumingu anochi, 3 di yüni 2018, den Marriot Resort & Stellaris Casino a tuma lugá sertámen di Miss Teen Tourism World na Aruba. Kòrsou su representante, Daviënne Bislip, a keda koroná komo Miss Teen Tourism World 2018. Aparte di e título máksimo, Kòrsou su reina a sa di gana diferente otro títulonan: Best Body, Miss Elegance i Best Evening Gown.

National Director di Curaçao International Crowned Queens ku a kompañá Daviënne Bislip, kual ta Gionel Virginie a haña rekonosimentu komo Best Director of the Year 2018.

E tim ganadó aki i fanátikonan ku a presensiá e sertámen na Aruba a yega Kòrsou  djaluna 4 di yüni ku Aruba Airlines. Alabes ta gradisí tur spònser i demas personanan, prensa i Kòrsou kompletu dunando nan aporte i sosten durante Daviënne Bislip su partisipashon na Aruba. Di kurason DANKI.