E aña aki grupo di
baile D’Art ta selebrá su promé lustro.

D’Art un grupo di baile ku den transkurso di aña a demostrá ku progreso ta importante pa alkansá e metanan stipulá.
5 Aña bailando pa trese alegria, 5 aña formando hóbennan den diferente área di bida, 5 aña trahando duru pa superá kalidat di baile, tresiendo presentashonnan inovativo pa pueblo di Kòrsou, 5 aña kompartiendo konosementu i kreando espasio pa kada miembro por krese, bai dilanti i logra nan metanan personal.
D’Art un grupo ku ta kere den siguiente generashon i ku ta stimulá kada miembro pa invertí den desaroyo personal.
E dedikashon ku kada bailadó tin pa trese e mensahe di kada baile ta algu di elogiá.
Durante e 5 añanan aki D’Art a hasi diferente presentashon i tarea, tantu na momentunan ofisial, komersial i priva.
Gratitut na Dios ta loke e direktiva di e grupo aki ta demostrá pa tur e añanan di e kosechanan risibí.
Tambe na tur persona ku a demostrá nan sosten pa asina aportá na desaroyo di D’Art.
Enkonekshon ku e selebrashon aki D’Art lo ta bai tin diferente aktividat I sorpresa durante di aña .
Djabierne siman pasa D’Art a start ku e selebrashon den saliña pa medio di un “flash Mob”. Otro siman D’Art lo presentá un show dia 19, 20 I 21 na la tentashon. Karchi nan ta kabando, a sobra algun pa e funshon di djadumingu di 3 or so. Debi na hopi petishon pa karchi D’Art ta pone un ekstra funshon djadumigu 6 or. Den e show di baile aki D’Art lo presentá diferente baile for di diferente genero di músika I téknika. Karchi ta optenibel serka tur miembro òf por yama e numbernan 529-9219 òf 515-1922 pa mas informashon! Tur fondo rekoudá ku e evento aki lo bai bèk den formashon di e hóbennan.

Wak nan baila ta manera tende na kurason papia.