Despues di 12 aña den eksterior hasiendo su karera internashonalmente na Alemania, Hulanda i diferente parti mas den Europa, i ku durante temporada di tumba nunka e no por tabata na Kòrsou pa partisipá, awor ku e ta bèk,  i ela gara e oportunidat aki i pa 2015 Danny Yanga tambe ta den kontienda pa bai ku e korona den Festival di Tumba 2015. Danny ta bai ku Dreams i e mes a kompositá su tumba i Gregorie Colina ta areglá esaki. Enkonekshon ku esaki Djarason 14 di Yanuari 2015 Danny Yanga a firma un akuerdo di sponsor ku Citizens Insurance pa e temporada di Tumba 2015. Tur aña dinobo den e temporada di karnaval e tumba SOPI MONDONGO kanta pa Danny Yanga na aña 2002 mester zona fiel na tur radio. E tempu ey Danny a sali di 3 finalista. Danny a duna un tremendo presentashon i e tabatin un wea gigantesko i Zus di Plasa tabata traha e “Sopi di mondongo” riba stage. I pa 2015 Danny atrobe ta bai tumba bon prepara ku un show tremendo. Pues tur hende keda pendiente pa e inskripshon di Tumba 18 di Januari  i Danny Yanga su presentashon ku Dreams.