Ya e ta un fenómeno kresiente den Medionan Sosial i denter di poko bo por wak e na Telecuraçao, un konsepto úniko i nobo pa televishon: ‘Shou di Daniel Yung’. ‘Shou di Daniel Yung’ ta un programa interaktivo di televishon ku ta hasi uzo di mas ku un medio. E promé den e format aki na Kòrsou. Televidentenan por sigui e programa durante dos luna atraves di medionan tradishonal (televishon) i atraves di Medionan Sosial (Facebook, YouTube, Instagram i Twitter). Tambe televidentenan por partisipá na akshonnan atraktivo i gana premionan fantástiko. ‘Shou di Daniel Yung’ ta un ‘talkshow’ ku a keda inisiá pa partikularmente inspirá televidentenan pa saka lo máksimo for di nan bida. P’esei tambe lema di e shou aki ta: “Be All You Can Be(lieve)”.

Inspirashon, Hilaridat, Aktuashon musikal i Wega.

Huntu ku historianan inspirativo di adultonan hóben konosí lokalmente, e shou ta kontené tambe elementonan kómiko, musikal i di wega. Asin’ei lo tin aktuashon di invitadonan manera: Junior Tecla, Gilmar Fraites, Debbie Beaujon, Aisha Lucas, Aemy Niafeliz, Reaching Hearts i AM Rockband.

Interakshon ku televidentenan.

Loke ta hasi e programa aki spesial ta e interakshon ku televidentenan. Tur siman nan por gana premio partisipando na konkurso i enkargo hiláriko i atraktivo. Partisipashon lo ta atraves di Medionan Sosial (Twitter, Instagram i Facebook). P’esei, tene nos página di Facebook na bista: Facebook: facebook.com/daniel yungshow Twitter: @danielyungshow Youtube: Daniel Yung the Talkshow Ta pasa e programa fo’i 10 di april 2015 tur djabierne anochi 22:00’or na Telecuraçao. Naturalmente bo por sigui’e tambe riba Facebook i Youtube. Idioma di komunikashon ta manera nos ta komuniká awendia, tantu Papiamentu, Ingles i Ulandes. ‘Shou di Daniel Yung’ ta bira realidat ku kooperashon di : Forever Yung BV, Innovativ Productions, Dwight Entertainment, Pietersz Import, Kooyman, Bremar Agencies, Junius Design, Glitz Cupcakes, Landhuis Brakkeput MeiMei, JMO Photography, Creativeyez Graphic Design i The Jingle Planet.