Awor ofresiendo klientenan mas chèns pa gana e outo

Willemstad- Novèmber -2013; Tabata djabièrnè último ku na KFC den Punda, Daccier Jones di 25 aña di edat a risibí su outo nobis nobis for di gerensia di HUCOR Holding i mènèdjer di KFC Punda, Sra. Moraima Nicia. KFC, Pizza Hut i Subway a saka e terser ganador di e kampaña ‘Eat & Win a KIA Rio 2013’ na unda tur kliente ku bishitá sea KFC, Pizza Hut òf Subway tin oportunidat di gana un KIA Rio nobo nobo tur luna! E luna aki Daccier Jones a resultá e felis ganador di e terser outo di e kampaña. Tabata un momentu di alegria total pa e hóben di 25 aña di edat ora representantenan di Hucor Holding N.V. den presensia di Notario i TeleCuraçao a sorpres’é ku un yamada pa inform’é ku e’la bira ganador di e kampaña ‘Eat & Win a KIA Rio 2013’.

Bo ke bira e siguiente ganador?:

Awor tin mas chèns pa bo gana! Hasi bo kompra na balor di apénas Naf. 15.00 òf mas na KFC, Pizza Hut òf Subway i yena bo nòmber, number di telefon, ID i email adress patras di e bòn, depositá esaki i klá bo ta! Tin chèns pa gana te hasta 2 outo pa luna. Tur kliente di sea KFC, Pizza Hut i Subway tin posibilidat di partisipá den e programa ‘Bai’é na TeleCuraçao. Klientenan di KFC, Pizza Hut i Subway tin dòbel chèns pa gana un outo nobo! Bishitá KFC, Pizza Hut òf Subway i bira e siguiente ganador di un KIA Rio den e grandioso kampaña ‘Eat & Win a KIA Rio 2013’ awe mes! Tabata djabièrnè último ku Daccier Jones a risibí su outo den presensia di famia, representantenan di HUCOR Holding i empleadonan di KFC Punda. Masha Pabien!