Despues cu oficialmente, Aruba a presenta nan presentacion 25 di September 2015 den e evento maestral di TOB Martini Night y despues na algun caminda mas, dialuna atardi e banda cu ta den boca di tur hende D-Vibe a lansa nan cantica promocional “Bo Ta Bon” na varios Radio Emisora. Mester menciona cu e acogida y aceptacion pa e cantica tabata sumamente bon. Un cantica cu un Ritmo super pegahoso y cu un kick cu lo domina caya durante e varios paradanan.  E cantica awordo composita pa integrantenan di D-Vibe mes y aregla pa e brain di e banda cu ta Derwin Kemp miho reconoci como Master Gusto. Nos no por keda sin menciona cu Dwight Leoneta a aporta den gran forma den e cantica, alabes a habri studionan di DL-Music Lab pa D-Vibe por graba e cantica. D-Vibe ta simplemente un banda nobo innovador cu e meta grandi pa pusha bay dilanti. Nos meta y enfasis ta lo siguiente. D-Vibe no a bin pa ta miho cu niun otro banda. Nos kier ta nos mes y produci bon muziek pa pueblo por disfruta. D-Vibe a bin pa pone ambiente, den otro palabra, nos a bin cu un positive vibe. D-Vibe ta un banda cu ta cay bao di maneho di Elite Empire cu ta maneha varios otro banda, dj’s y artista nan. D-Vibe su repertorio ta completo entre otro: Zouk, Urban, Sweet Soca, Jamback Soca, Roadmarch y un Fusion all in one. Cu e repertorio amplio aki, e pueblo gosador y fanaticonan lo por disfruta di un tremendo presentacion di D-Vibe. pa termina, Nos no kier pretende, pero “62 ta di nos y nos ta bay haci nos cos”.