Otro servisio inovativo ku lo benefisiá klientenan: Spar bo tempu!

WILLEMSTAD:-  For di awe, klientenan di Digicel por risibí mayoria asistensia pa servisio na kliente den nan plant’i man, danki na e aplikashon “My Digicel”. Diseñá ku e kliente den mente, dunando e usuario di Digicel e kontròl riba su kuenta di telefon evitando kualke inkumbinensia. Usando e aplikashon aki, e kliente ta spar tempu i ta risibí asistensia muchu mas lihé. E aplikashon por wòrdu fásilmente bahá (download)  pa telefonnan Android; ta e manera mas fásil i lihé- ofresiendo e usuario oportunidat di manehá nan propio perfil. Numbernan di teksto i kódigonan kòrtiku ta kos di pasado, komo ku klientenan por usa e aplikashon pa gran mayoria di e servisionan ku ta keda ofresé na Digicel. For di e pregunta- òf servisionan básiko manera, chèk saldo di kuenta i status di e plan di data vigente te ku kumpramentu di plan di data nobo usando ‘online top-up’, manda krédito pa un otro number di Digicel òf manehá nan propio estado di kuenta. Esei no ta tur kos, e aplikashon ta optenibel na ingles, franses i spañó. Ademas di esaki e aplikashon “My Digicel” ta tene tur usuario na altura di tur loke ta sosodiendo riba retnan sosial i ta pèrmití e usuario di ta interaktivo dunando nan e oportunidat pa duna komentario den e aplikashon. Sr. Hans Lute, CEO pa Digicel Dutch Caribbean, “Nos ta masha kontentu di por ofresé nos klientenan e aplikashon “My Digicel”.  Tur esaki ta pa duna e usuario e kontròl riba su propio kuenta di telefon, ofresiendo nan tur hèrmènt nesesario pa manehá nan perfil den nan plant’i man. Ku e aplikashon “My Digicel”, e kliente por spar tempu ya ku  no ta nesesario pa yama e departamentu di servisio na kliente- ku un ‘klik’ riba e aplikashon e ta keda klá”.