CuraStars Strea Chikí tabata tin su prome edishon na 2014, kaminda un total di 64 mucha a partisipá. Durante di e final 24 mucha a partisipá en total, di kual tabata tin 20 di kanto i 4 di playback. Tur e finalistanan a duna un tremendo show na e publiko presente. I komunidat kompletu por a disfruta tur djasabra atardi di e programa na TeleCuracao. Djasabra awor nos 2 finalistanan, Nicheal Ridderstaat (Ganado Strea Chiki) huntu ku Queenella Avastia (promé finalista Strea Chiki) lo representa Kòrsou na Interscholastic International Idols na St. Maarten. Riba e foto por tuma nota di Francis Angelica, Gassan Dannawi, Arthur Tholel i Karel Willems (miembronan di e organisashon CuraStars) huntu ku e 2 finalistanan Nicheal Ridderstaat i Queenella Avastia. CuraStars Strea Chiki ke informá mesora ku den luna di mei oudishon nan lo kuminsa pa Strea Chiki 2015. Formularionan pa partisipá ta optenibel na Biblioteka Nashonal, Xerox i Adventure City. Pronto tambe muchanan por inskribi na nan skol. Por bishita e pagina di Strea Chiki riba Facebook pa mas informashon.