E di 5 anochi den e serie di programa “ORANGE NIGHTS AT de YOUNG” lo ta dediká na
Kòrsou, i lo hiba e nòmber “CURAÇAO NIGHT AT de YOUNG”.
Curaçao West Coast Coalition, ta un organisashon ku 3 dama profeshonal hoben yiu Kòrsou, ku
ta biba i traha na California-USA. a lanta ku e meta pa promové tur loke ta positivo di Kòrsou.
Den ekstenso kolaborashon ku “de Young Museum” i Konsulado General di Hulanda na San
Francisco, Curaçao Coalition ta invitando tur hende pa bin djòin e aktividatnan di “CURAÇAO
NIGHT AT de YOUNG” dia 17 Mei 2013.
E anochi lo bira un eksperensia outéntiko di Curaçao, kaminda nos mes hendenan ta demostrá
nos músika, baile, arte i kushina na de Young Museum. Asina e bosero di Curaçao West Coast
Coalition, Natasha Chatlein, ta informá:
“Esaki lo ta un oportunidat úniko i fantástiko pa bishitantenan eksperensia dikón Kòrsou ta
spesial i diferente, aki mes na San Francisco”
A skohe algun di Curaçao su músiko, artista i presentadonan ku sigun e organisashon ta pas mihó
den e eksigensianan ku de Young ta buta pa partisipantenan n’e aktividatnan aki.
Musikonan Eric Calmes, Jean Jacques Rojer i Vernon Chatlein lo entretené nos ku muzik estilo
tradishonal i moderno, di Tumba, Muzik di Zumbí, danza, wals i mazurka mesklá ku Jazz..
Mientras e grupo musikal “Grupo Ban Selebr’é,” ku entre otro Monica Mao-Cheia, Roel Calister
i Marvin Snijders, lo pone yòng i menos yòng subi pista di baile a la stail di Curaçao ku nan
meskla di kanto ku Tambú i ritmonan pegagoso i kompañá ku elementonan elektróniko.
Seguidamente grupo di baile “Futuro y Memoria di Korsou” lo duna nos muestra di Kòrsou su
historia di baile i bistinan kultural.
Fotógrafo Bea Moedt’s photography, ku ta kapturá artístikamente esensia i emoshon di e
momento i ku tur su obranan ta reflehá kon kolorido Kòrsou ta, lo tene un show digital di su
obranan.
Otro gran fotógrafo yiu Korsou, Brett Russel, lo showcase Kòrsou su identidat étniko di
siglonan bieu, den un serie entitulá “Coming from Where I am From”.
Serena Isreal, kreador di e famoso Curaçao Chichis®, e sensual, bon formá estatua Caribense,
ku ta represent e ruman muhé mayor sabí, alegre, fuerte pero kariñoso ku tur hende meresé, lo
guiá un proyekto di obra di man ku tur mucha presente. E hobennan lo pinta algún Chichi grandi
ku después lo bende pa rekoudá fondo pa un proyekto di aktividat karitativo lokal.
Tambe lo ta presente e arte di Garrick Marchena, ku ta hasiendo fama ku su obranan di “street
art”
Finalmente Andre Nagtegaal lo fasiná presentenan ku su kreashon “Djidji”
“Si mi ta artista of no, no ta importa. Ami ta “pintadó di Djidji”. Mi ke hasi hende
kontentu.” asina Andre su pensamentu ta.
Susanne Capello, event director di Curaçao West Coast Coalition ta splika ku a diseña
kuidadosamente tur elemento di Curaçao Night pa “transportá” e presentenan e anochi ei pa
Kòrsou.
Den e de Young Cafe lo tin kumindanan di Kòrsou, ku ta inkluí stobá, funchi, banana hasá i
muchu mas. Entrada lo ta gratis! I nan ta invitá tur hende na San Francisco i otronan pa bin ku
amigo, famia i djòin den “Curaçao Night: Ban Selebr’é!”
Pa mas informashon por kontakt:
Curaçao West Coast Coalition
Natasha Chatlein ph: +1-650.504.1533 email: nchatlein@gmail.com of
Susanne Capello ph: +1-415.728.8086 email: sc.capello@gmail.com