WILLEMSTAD.- Ku kooperashon di Inselair, UoC, Cafe Barista, Curacao Media Organization a organisá den wikènt ku a pasa un tayer di fotografia. E tabata dirigí pa fotografnan den prensa na Kòrsou pero tambe nos a konta ku presensia di algun hóben ku ainda ta bayendo skol ku kier siña e trabou di fotógrafo. E wikènt a kontra ku Trainer prinsipal Edward Troon for di Sürnam, tambe ku Junny Sluis direktor di Bip ku a elaborá riba derechi di outor di potrèt enpartikular i Karyl Felipa ku a elaborá riba étika serka e fotógrafo. Edward Troon a bai riba téknikanan di saka potrèt i alabes a komplementá e otro dos trainernan. Edward Troon ta un profeshonal riba e tereno di pòtrèt, trahando den pasado ku Associated Press, formando parti di ACM (Association for Caribean Mediaworkers) i na Sürnam mes e ta duna lès tantu riba fotografia pero tambe di periodismo. Un wikènt sigur fruktífero pa e partisipantenan na e tayer aki. Den lunanan ku ta sigui CMO tin diferente otro training, tayer i kurso den preparashon pa trahadónan den prensa na Kòrsou. Tur trahadó den prensa ku ta interesá pa sosten nos/bosnan organisashon manda mail na diazvalesca@gmail.com.