WILLEMSTAD- Desèmber 2015- En konekshon ku temporada di fin di aña, Curaçao Marriott Resort tin un skema di aktividatnan navideño pa tantu huéspetnan komo bishitantenan lokal. E skema di aktividat ta kuminsá for di 22 di desèmber i lo ta te ku promé di yanüari 2016.  ‘Lo tin oportunidat di saka potrèt ku Papa Pasku i hopi mas durante henter e temporada. Ademas di esaki, Curaçao Marriott Resort su restorantnan tambe ta den esfera navideño ofresiendo menúnan adaptá ku ta figurá delisianan ku ta pas perfekto ku e selebrashon.

Asina por hasi menshon di Portofinó su menú navideño ku lo ta optenibel dianan; 22, 23, 26, 27, 28, 29 i 30 di desèmber. Riba bispu di Pasku i Pasku, Portofinó lo tin su ‘Christmas Eve Dinner’ i ‘Christmas Day Dinner’. Pa esnan ku ta preferá un bufèt di Pasku, Palm Café ubiká den Curaçao Marriott Resort ta brinda un bufèt ekstenso riba dianan 24 i 25 desèmber. Bispu di aña nobo Curaçao Marriott Resort ta brinda e oportunidat di disfrutá di sea un sena spesial na Portofinó òf un sena bou di streanan riba ‘pool deck’. Dia promé di yanüari, Palm Café ta brinda su ‘New Year’s Breakfast’. Curaçao Marriott Resort ta spera di trese famianan huntu durante e temporada aki. Pa reservashon na un di e restorantnan di Curaçao Marriott Resort por yama 736-8800.