WILLEMSTAD- Sèptèmber 2015- E dia ku bo bisa ‘SI’ na e partner ku bo a skohe pa bo bida ta e dia di mas importante den bo bida. Curaçao Marriott Beach Resort i su profeshonalnan ta klá pa hasi e dia aki un kapítulo impreshonante den e buki di Bida. Spesialmente pa esnan ku tin planiá pa kasa den e próksimo lunanan, Marriott Beach Resort ta ofresé paketenan atraktivo ku benefisionan spesial. Curaçao Marriott Beach Resort ta yudabo den planifikashon di e kasamentu di bo soñonan.

Kuminsá plania e dia di bo kasamentu aworakí mes i disfrutá di preisnan atraktivo i vários gesto di  parti Curaçao Marriott Beach Resort p’abo i bo pareha. Laga e profeshonalnan di Curaçao Marriott Beach Resort plania bo kasamentu i disfrutá di e.o estadia den un prestigioso kamber ku bista riba laman, oportunidat pa brùit bisti den e ‘presidential suite’, 50% di deskuento riba hür di Queens Ballroom pa bo resèpsi, bebida di entrada no-alkohóliko, regalo pa e pareha den nan kamber, posibilidat di hasi uso di fasilidatnan di gimnasia, tarifa spesial riba kamber pa invitadonan (na reservashon di mínimo 10 kamber) i un total di 50.000 ‘Marriott Reward Points’ pa e pareha ku por wòrdu troká na kualke Marriott. Ta rekordá tur ku ta interesá den e paketenan di kasamentu na Curaçao Marriott Beach Resort ku tin término i kondishonnan aplikabel. Pa reservashon por tuma kontakto ku Curaçao Marriott Beach Resort su ‘wedding planner’ sertifiká Sra. Roxanne Martis na roxanne.martis@marriott.com , yama 433-7735 òf bishitá  e  websáit; www.curacao-weddings.com pa mas informashon.