WILLEMSTAD- APR- 2015- Marriott Curaçao a wòrdu rekonosé komo un hotèl ku prestashon tòp, risibiendo reseña di huéspetnan riba e portal biahero Booking.Com, konosí komo e lider mundial den reservashon ‘on line’. E rekonosimentu spesífiko aki, ta pa rekonosé ekselensia. ‘The Excellence Award’ ta wòrdu duná riba base anual i ta pa rekonosé esfuersonan pa e aña previo, pues den 2015 ta entregá rekonosementu pa logronan den 2014; esakinan ta keda midí dor di komentarionan general di e huéspet. Mas di 200,000 akomodashon, 70,000 destinashon den mas di 200 pais ta keda evaluá tur aña di nobo dor di e propio huéspet. Curaçao Marriott Beach Resort a skor haltu: e resort a risibí un puntuashon total (overall review score) di 8.4 riba Booking.Com pa 2014., risibiendo reseña di huéspetnan ku a bishitá e resort durante di e último aña. E huéspetnan for di tur parti di mundu den forma konsistente a bin ta duna elogio pa e hospitalidat di e hotèl, akomodashon prominente, servisio ekselente i fasilidatnan tremendo pa e huéspet. Di akuerdo ku e propio huéspetnan, Curaçao Marriott Beach Resort ta un ekselente eskoho pa un vakashon den Caribe.

Curaçao Marriott Beach Resort:

E hotèl ta kapturá e beyesa antik di Amsterdam. E hotèl luhoso aki ta ubiká na Piscadera Baai, 15 minüt for di aeropuerto HATO. Ku 6 hèktar di tereno ku bista riba laman, e resort karibense aki ta realmente impreshonante ku su hardinnan tropikal eksepshonal. Su kultura, playanan ku santu blanku i kuantioso aktividatnan den airu liber ta loke ta hasi Curaçao Marriott Beach Resort i Kòrsou e destinashon ideal pa kasamentu òf vakashon. E resort ta ofresé fasilidatnan di pisina, numeroso restorant, opshon di buseo di 5 strea na PADI Dive i deporte di awa. Curaçao Marriott Beach Resort ta ofresé opshonnan kulinario manera Portofino ku ta spesialisá den kushina internashonal i e mas resien ku ta un Kosher Kitchen. Pa esnan ku ta deseá di purba nan suerte por bishitá Curaçao Marriott su Emerald Casino. Huéspetnan por probechá di transporte grátis pa sentro di siudat- Willemstad dos bes pa dia via di e ‘front desk’. Un vakashon inolvidabel ta wardabu na Curaçao Marriott Beach Resort & Emerald Casino.