WILLEMSTAD- YANUARI 2015- Marriott Curaçao ta uni den un programa eksepshonal ku ta brinda tur huéspet di e hotèl e oportunidat di dokumentá nan eksperiensia hasiendo uso di e kámara di mas moderno i téknikamente mas avansá, GoPro HERO4. E programa aki, ku ya ta vigente na 17 propiedat di Marriott tantu den Karibe komo den Latino Amérika ta ofresé huéspetnan un prueba grátis ku e GoPro HERO4. Nos ta bibando den un époka digitalisá i sosial. Ku e programa aki Marriott Hotel ta duna su huéspetnan oportunidat di kapturá i inmortalisá momentunan inolvidabel durante nan fakansi. Ademas di esaki, e huéspet por kompartí e kontenido inmediato ku su famia i konosínan hasiendo uso di medionan sosial. Marriott su meta ta pa konstantemente inová su hotèlnan i digitalisá su servisio pa sigui atraé e generashon nobo den e merkado biahero. “Hotèlnan Marriott den transkurso di añanan a demostrá liderazgo den introdukshon di maneranan nobo pa mehorá e eksperensia di biahe; ku e kámaranan di GoPro HERO4 e huéspet awor por kapturá su fakansi. Destinashonnan tropikal ta kaminda hendenan ku ta riku na pashon ta bai pa disfrutá di un eksperensia nobo i nos no por warda pa mira e potrètnan i videonan GoPro di e huéspetnan di Marriott”, esaki di akuerdo ku representante di Marriott Curaçao. Pa hasi e programa aki unu realmente fasinante e huéspetnan por ‘upload’ nan potrètnan i videonan GoPro riba medio sosial usando ‘hashtags’ #GoPro, #travelbrilliantly i #viajegenial ku posibilidat di figurá riba Marriott Hotel su websáit regional www.travelbrilliantly.com/gopro. Pa selebrá lansamentu di e programa aki Marriott Hotel ta skohe sea un portrèt òf video for di kualke medio sosial brindando oportunidat pa gana premionan fabuloso manera estadia, ‘Marriott Reward Points’  i kámaranan di GoPro.