…ehèmpel di perseveransha i disiplina…

WILLEMSTAD- Mart 2015- Destino a trese Othmar Kòrsou, perseveransha I pashon pa su trabou a dun’é e nominashon di CHATA. Algun aña pasá e’la aseptá un invitashon pa bishitá un ‘job fair’, durante di e feria laboral e’la wòrdu enkurashá dor di èks direktor di operashon di Marriott pa apliká. Un par di luna despues, e tabata pará den lobby di Curaçao Marriott pendiente un kombersashon ku sr. Koen Hietbrink. Miéntras su aplikashon tabata den proseso, semper e’la keda puntra departamento di rekurso humano pa un ‘update’.  Finalmente, e’la keda tuma na trabou komo ‘dishwasher’, for di e tempu ei e’la primintí pa nunka desapuntá su superiornan.  Aunke den posishon di ‘dishwasher’ e tabata tin mira pa un posishon den depósito. Riba su propio inisiativa i den su mes tempu e tabata koperá ku  e  tim di atkisishon (purchasing team) te ku un dia nan a kuminsá ku e trayekto pa por tin’e den nan departamentu. “Mi tin 52 aña di edat i mi ta gradesido pa mi trabou, pero esei no ta tur kos; mi tin ku hasié na e mihó di mi abilidat “. Esaki ta palabranan di Othmar Daal; kual e ta pone den akshon tur dia. Di akuerdo ku su superiornan, “Tur mainta e ta presentá na trabou ku un sonrisa i un aktitut positivo pa siña esnan ku awòki numa ta kuminsá i te hasta tuma aprendisahe e mes tambe. Awó, ku su ‘Host of the Month’ award di Novèmber 2014 i e nominashon di CHATA pa e último kuartal di 2014 resien risibí- Kòrsou tin un embahador den industria di turismo mas”.  Curaçao Marriott Beach Resort ta felisitá Othmar ‘Otty’ Daal i tur su koleganan ku diariamente ta traha duru pa mantené e standartenan haltu di e hotèl. Masha Pabien!