WILLEMSTAD- Febrüari 2015- E brùit di mas felis ta esun ku solo ta bria riba djé, ingles “Happy is the bride that the sun shines on”. Esaki ta e proverbio ku Curaçao Marriott Beach Resort ta apliká ora ta trata planifikashon di e dia di mas importante di bo bida. Atraves di añanan Curaçao Marriott a komprobá ku nan ta bai e mia èkstra pa satisfasé e deseo di kada brùit i brùidehòm, tur esaki na un preis rasonabel. Curaçao Marriott internashonalmente ta wòrdu konsiderá un sitio ideal pa un brùit tropikal. Riba un base anual e resort ta anfitrion pa mas ku 35 seremonia. Ademas di brinda un lokalidat ku literalmente ta ‘kita’ bo rosea, Curaçao Marriott ta brinda tambe un tim di profeshonal sertifiká ku ta asistí for di e promé fase di planifikashon te e dia di seremonia/selebrashon. Sea ta trata di un seremonia/selebrashon grandi òf chikitu Curaçao Marriott ta bon prepará pa kumpli te na e último detaye. Di akuerdo ku ehekutivonan di Curaçao Marriott, awor ku JetBlue ta ofresé buelonan direkto for di John F. Kennedy International Airport (JFK) na New York pa Kòrsou ta hasi aún mas aksesibel pa Kòrsou mantené su posishon komo ‘Wedding Destination’ i Curaçao Marriott komo e sitio ideal pa un brùit tropikal. Tin un konsepto pa tur brùit; for di e pareha ku ta deseá di sinti e kalor di santu mei mei di tenchinan te esun ku ta preferá un ambiente mas luhoso i privá, Curaçao Marriott ta brinda su  ‘private beach’, e ‘pool deck’ òf e luhoso Queen’s Ballroom. Pa informashon tokante paketenan pa seremonia/selebrashon por yama nan wedding planner sertifiká na 433-7735