Coridja Stars Productions (CSP) tin komo meta pa trese inovashon pa ku karnaval Kòrsou. Ku esaki den mente a bini ku e idea pa organisá un kompetensia di “brass band”. Mirando e interes kada aña di nobo bou di diferente “brass band” nan internashonal pa partisipá den nos Gran Marcha, Coridja Stars Productions e aña aki ke brinda algu èkstra na tantu “brass band” nan lokal i internashonal. “Brass band” tambe ta un parti musikal krusial den nos kultura di Karnaval i netamente p’esei Coridja Stars Productions lo bai organisá su promé edishon di “Curaçao Drum Battle” Ku e evento aki CSP ke krea un konsepto nobo, kaminda “Brass band” nan lo bai kompetí den un ambiente sano i alegre pa wak kua ta pone e mihó ambiente i duna e mihó presentashon. E evento aki tin tambe komo meta pa duna nos “brass band” nan lokal
espasio pa sera konosí ku diferente otro “brass band” tantu lokal komo internashonal, interkambiá i mas ku klaro demostrá riba un plataforma internashonal kiko nan tin aden. Tur esaki tambe lo kontribuí na hasi nos. Karnaval un evento mas konosí internashonalmente segun representantenan di CSP. Mirando e kantidat di interes di “brass band” internashonal pa partisipá na nos Karnaval den kombinashon ku ‘brass band” nan lokal, CSP a opta pa hasi un preselekshon. Pa asina yega na e mihó “brass band” nan ku lo bai kompetí pa e título máksimo. Pa por duna tur “brass band” di Kòrsou e mesun chèns pa por partisipá na e evento lo organisá un preselekshon i saka e dos mihó nan di Kòrsou. E dos mihó lo bai representá Kòrsou na e anochi final ku lo tuma lugá dia 31Yanuari 2016. Pa mas informashon tokante inskripshon i registrashon pa e pre-­selekshon i e evento final, CSP ta hasi un apelashon na tur kabesante di “brass band” di Kòrsou pa registra bo “brass band”. Por hasi esaki via di
via di nos websait: www.coridjastars.com Keda pendiente ma mas informashon di e promé edishon di “Curaçao Drum Battle”.