Programa Turistiko Ku Nivel Internashonal Na Television Lokal!!!

Prome finalista di miss Curacao 2015 i presentado di televishon na CBA Neyda Lithgow (“Ney”) huntu ku Humberto Gois(“Dito”) komo Co-host lo presenta un programa nobo I diferente ku informashon turistiko di Korsou kombina ku aventura, kultura I divershon tanto pa nos hendenan lokal komo internashonal. E ta un programa interaktivo I e ta invita e televidente di un manera ameno I diberti forma parti di un aventura ront Korsou.

E programa lo marka un diferensha sigur  den  manera ku e la wordu produsi  I dirihi .  E  ta un  produkshon shen por shento lokal kaminda  e televidente por disfruta di tur  lokual korsou tin di ofrese na un otro nivel. Segun su produktor  Neyda Lithgow,  e la krea un konsepto mas aktual i innovativo ku por bende korsow internashonalmente pesei tur episodio di e programa ta subtitula na Ingles ya ku esaki  ta un idioma universal nos por traspasa fronteranan.

E programa lo ta On air Djadumingu awor 5 di februari ’17 na kanal CBA 6:30 pa 7or di anochi I na TeleCuracao 7:30 pa 8or di anochi.