WILLEMSTAD- 9 di novèmber 2013 –Den kuadro di selebrashon di su di 25 aniversario ECO Destination Management Services Curaçao ta presentá e “Young Leader Incentive Program”. Ku e programa aki ECO Destination Management Services  ke duna bèk na nos komunidat i na mesun momentu brinda un profeshonal hóben e oportunidat di su bida pa forma parti di e SITE Global Conference na Orlando dianan 7 te 10 di desèmber ku tur gastu pagá. ECO Destination Management Services Curaçao, ta un kompania ku ta duna servisio pa maneho di destinashon den region karibense. Ku un tim di profeshonal, ku huntu tin mas ku 100 aña di eksperensia ECO Destination Management Services Curaçao ta brinda kapasidat, eksperensia i konosementu di tantu e islanan i nan lokalidatnan. Ku e “Young Leader Incentive Program” ta hasi un yamada na tur hóben profeshonal den sektor di turismo pa apliká i kompañá nan registrashon ku un testimonio promé ku 12 di novèmber próksimo.  E testimonio mester kontené nan persepshon di un  servisio eksepshonal den komunidat, servisio eksepshonal den e industria, tambe nan okupashon aktual,motibu pa éksito konstante i partisipashon den e industria. Ademas di esaki lo mester entregá un rekomendashon di doño di trabou, kartanan di rekomendashon di trabounan anterior i di koleganan di trabou. Ta bon pa menshoná ku e edat mínimo pa esnan ku ta deseá di partisipá ta 21 aña i máksimo ta 30 aña. CTB i ECO Destination Management Services Curaçao ta invitá tur hóben profeshonal di Kòrsou pa forma parti di “Young Leader Incentive Program” i risibí e oportunidat di forma parti di SITE e nètwèrk global di reunion i eventonan profeshonal ku mas ku 2000 miembro di 90 diferente pais i 29 divishon lokal i regional. Por entregá e aplikashon via; verna.curacao@ecodms.com i por bishitá:  www.siteglobal.com pa mas informashon. Flyer ku informashon ta optenibel tambe riba CTB su facebook page: www.facebook.com/DUSHI HENDE