Kòrsou a resultá den e 10 damanan di mas bunita di universo

WILLEMSTAD- 23 di desèmber 2015 – Ofisina di Turismo di Kòrsou (CTB) i Coridja Stars Productions huntu ku komunidat di Kòrsou a yama Miss Universe Curaçao 2015, srta. Kanisha Sluis un kaluroso bon bini durante un resepshon na Curaçao International Airport.

Kòrsou kompletu a biba e momentunan emoshonante durante e sertámen di Miss Universe 2015, kaminda nos representante a yega den e tòp 10 di e damanan di mas bunita di universo.

Pa CTB komo e organisashon ku tin e lisensia di Miss Universe Curaçao i Coridja Stars Productions ku ta esun enkargá ku e preparashon di nos kantidat esaki ta un momentu di hopi alegria. Despues di un periodo di preparashon intenso ku nos Miss Universe Curaçao 2015, srta. Kanisha Sluis a pasa aden, nos tur por ta kontentu ku e resultado grandi aki.  E nòmber di Kòrsou tabata ‘trending’ riba medionan sosial durante i despues di e sertámen di djadumingu último. Kanisha nos ta orguyoso di bo. Kòrsou pabien.