Djabièrnè último dia 1 di sèptèmber Crazy Diamonds a hasi presentashon di nan tema i na mes momento a estrená e trahe  pa Karnaval 2018. Presentashon a tuma lugá na Curaçao Suites, Otrabanda na unda partisipante di e grupo a bini na granèl pa wak nan trahe.

Crazy Diamonds “Namaste India” ta e tema ku lo presentá durante Gran Marcha.  Simplemente bisa ku “Crazy Diamonds goes India”. Na mes momento nos kier a duna honor na e komunidat Indio ku ya tin hopi aña ta establesé riba nos isla Kòrsou. I sigur ku nan a bira indispensabel den nos komunidat komersial.

E trahe ta konsistí di 4 kolo fel; ros, oraño, bèrdè i lila. Nan ta saka ku adorno nan kolo di oro. E fantasia aki ta ilustrá un trahe ku ta wòrdu bisti na momentu nan di fiestanan.

Mirando ku karnaval ta un fiesta, nos ta ilustrá esaki tambe den un forma Indio.

Crazy Diamonds ta sigur ku e trahe lo lusi den nos Marcha nan, si bo ta interesá djòin e grupo bo por mail via di e wepsait ; www.crazydiamondscuracao.com. Pa kualkier informashon por yama òf app sra Moniqe Curiel (+59995167828) òf Orsine Philipa (+59995627299)