Un fantasia kompleto ku ta ilustrá diferente punto di e kontinente pa asina duna un totalidat ku tin mas kos so ku kángaru. En total 4 diferente tipo di trahe a keda presentá; general, tribi, pa studiante i individual. E trahe general ta ilustrá e mapa di Oustralia ku ta wòrdu repartí den 6 parti; kolonan hel,bèrdè, kòrá, lila, aqua i plata. Tambe bo mira e kángaru den e trahe riba un mantel ku ta ilustrá e seru nan haltu den ‘OutBack’. E headpiece den forma di un sombré ta ilustrá e impreshonante Opera House na Sydney. Sùrfmentu ta un di e spòrt nan mas gusta Oustralia i  esaki nos ilustrá den e trahe mas tribi ku ta representá un ‘surfpak’ den e kolonan di e bandera. E habitante nan original e “Aboriginals” ku ta biba di puro naturalesa i ta komuniká profundamente ku Mama Tera ta e trahenan individual. Ku ta saka ku ‘body paint’ i pluma nan di abestrus. E biaha aki mirando ku e tema ta asina amplio Crazy Diamonds a skohe pa bin mas tipo di trahe  pa asina por komplementá esaki, hopi kolo, diferente estilo i material pa por duna e toke ku nos semper ta duna. E trahe nan a wòrdu diseñá i konfekshoná dor e diseñadó, Rolfis Mezones. Si bo a gusta loke bo a mira i bo ta interesá pa partisipá den Karnaval 2016 bo por tuma kontakto ku nos via di 516-7828, 562-7299 òf 561-6596. Tambe por manda un mensahe via di nos Facebook Page: Crazy Diamonds Curacao Djadumingu awor, 4 di òktober 2015 di 4’or di atardi pa 7’or di anochi lo tin un reunion na Sede di Crazy Diamonds kaminda lo tin oportunidat pa inskribí i kue midi.