Despues di a firma un MoU na luna di Mart 2017 ku DHL pa transporte di dokumentu i paketenan, awe Cpost por ta orguyoso ku por a sera un akuerdo ku DHL pa transportá tur dokumento i pakete ku tin karakter di urgensha ku Cpost su servisio di Expresspost pa 220 pais rònt mundu.

DHL no ta un kompania deskonosí den merkado. DHL ta un kompania ku tin su propio avionnan i red di distribushon via kual entrega di dokumento i paketenan ta keda entregá rònt mundu. Esaki ta kontribuí na un entrega rápido i garantisá na e destinatario den eksterior i sigur na preisnan hopi kompetitivo ku Cpost su klientenan a kustumá ku’né.

Cpost ta invitá su klientenan pa nan eksperenshá e adelanto di entrega di nan servisio Expresspost na tur parti di mundu. E servisio di Expresspost ta optenibel na tur filial di Cpost.

Pa mas informashon por yama 433-1100/433-1342 òf por manda un e-mail na customerservice@cpost.com.

Cpost ta sigi traha riba mehorashon di su servisionan speshalmente pa satisfasé su klientenan.

d.r.p.d abou: Dan Taylor – DHL Country Manager i Randolph (Andy) Luisa – Cpost CEO a.i.