SERVISIO, ta e base di sobrebibensia di tur negoshi. Sin un bon servisio na kliente, niun kompania lo no tin kliente i sin kliente, un kompania no por hasi negoshi. Pa yuda Cpost International mehorá su servisio ku nan ta duna na nan klientenan, Cpost ta bini ku e proyekto “Cpost den bo bario” pa duna oportunidat na su klientenan pa nan trese nan sugerensha i puntonan di atenshon dilanti. Tur esakinan, mester sirbi pa mehorá e servisio ku Cpost International ta brinda diariamente. Durante e proyekto “Cpost den bo bario”, un tim di Cpost International, lo ta bai ta presente na diferente Sentronan di Bario, ku lo keda anunsiá regularmente, pa asina atendé tur kliente ku presentá sea pa duna keho, sugerensha òf tuma informashon di nos servisionan. Ademas tur kliente ku asistí por probechá i bira miembro grátis di PuntoMio, Cpost su servisio di adrès na Merka i risibí un deskuento riba nan gastunan di transporte di nan promé ‘bestelling’. Cpost International lo ranka sali djasabra 29 di mart 2014 na Sentro di Bario Koraalspecht. Ta invitá tur kliente di bario di Koraalspecht, Dominguito i besindario pa bini na Sentro di Bario Koraalspecht entre 9.30am pa 12.00pm. Cpost ta bai duna oído na tur su klientenan i pa medio di e Proyekto aki lo duna e pueblo di Kòrsou e oportunidat pa kontribuí na mehorashon di su servisio ku e ta brinda. Cpost tei pa’bo!!!