Cpost International ta di opinion ku mester apoyá nos hubentut den deporte i duna nan e oportunidat pa destaká nan talento den deporte na Kòrsou i den eksterior. Pa e motibu menshoná anterior Cpost International ta apoyá nos hóbennan di Baseball “ Curacao Senior League” ku ta bai representá nos dushi isla di Kòrsou na Mansfield Stadium na e suidat di Bangor, Maine  na Merka. Cpost International ta sumamente orguyoso di nos hóbennan i sa ku nan lo saka kara di Kòrsou den eksterior. Nos ta deseá nos hóbennan di selekshon Baseball “Curacao Senior League”  tur klase di éksito i pa nan ta na altura ku nos tur ta ku nan. Entrega di e check dor di Cpost International Marketing Officer  Ydellienne Heerenveen na representante di Curacao Senior League Oswin Lint.