ORANJESTAD, Aruba – November 2015: Recientemente Costa Linda Beach Resort a inaugura un sala pa uzo multifuncional cu a haya e nomber Cyrus Holley, dedica na un di e directornan di e hunta directiva cu a hunga un rol crucial den salvaguardia e hotel di timeshare pa su miembronan den temponan dificil.

E iconico Cy Holley y su casa ta miembronan di Costa Linda for di tempo cu e hotel tabata bao di construccion, na 1991. E pareha, cu a bishita nos isla pa prome biaha na aña 1971 a namora di biaha di “e luga mas bunita cu el a yega di bishita” y a stima Aruba y su hendenan, como tambe e amigonan cu nan a conoce na Aruba, incondicionalmente, den temponan bon y temponan menos bon.

Presente na e celebracion unda e dedica e sala na Cy Holley tabata su señora y otro miembronan di su famia, incluyendo su yiu homber Russell. Su señora ta conta cu nan tabata casa pa casi 51 aña ora cu su casa a fayece. Hunto nan a experencia hopi cambio, pero e vision di su casa for di prome biaha cu nan a bishita tabata pa introduci e isla na mas Mericano, como cu e tabata e luga mas bunita cu el a yega di bishita.

For di nan prome bishita nan a namora tambe di e beach unda despues a construi Costa Linda. Cy, kende tabata un ingeniero kimico di profesion a dicidi di contribui mas y mas na nan hotel stima. El a pone su mes disponibel y a keda eligi pa ta parti di e hunta di directiva. E tabata un miembro pa nuebe aña, di cual seis aña el a fungi como presidente.

Sra. Holley ta splica cu tabatin temponan inmensamente dificil, pero cu e apoyo di e miembronan, amigonan y gobierno, kende tur tabata kier wak e propiedad ta exitoso, a logra salba haci loke mester a haci pa salba y salvaguardia e resort. Sra. Holley a expresa cu Gale Measel a haci un papel excelente tambe ora di tuma over y sigui padilanti y e ta spera di por introduci su bisanietonan na Aruba y Costa Linda, mescos cu el a introduci nan hunto cu su casa na su yiunan y nietonan.

Como “Chairman of the Board” Gale Measel ta splica cu Cy Holley tabata un di e lidernan clave den resolve problema y salvaguardia e hotel ora cu Sun Development a bati bancarota na Aruba. Holley a haci posibel pa e hotel wordo cumpra y pa e “ownership” bolbe den man di e doñonan. Na un otro ocasion, den temponan crucial, Holley tabata esun cu a envolve su mes financieramente den yega na fondonan pa e hotel por sigui, Mason a agrega.

Esaki ta dos punto crucial den e historia di e hotel unda Holley a haci tur cos cu por y mester a haci pa e hotel por sigui, Mason a bisa, y ora cu a dicidi di construi un espacio multifuncional a dicidi cu lo rindi honor na Cy y su famia pa medio di dedica e sala na Sr. Holley.

Anteriormente tabata haci uzo di e “sun deck”, cu ta aire liber, pero awo cu e espacio flexibel aki, e board tin un caminda apto pa reuni y e miembronan tin un luga pa uza pa actividadnan, pero tambe e personal tin un sala pa duna training, organisa reunion y otro actividadnan. E escogencia di un nomber pa e sala tabata un decision facil pa tuma, pa e liderazgo cu Cy a demostra actualmente Costa Linda ta loke e ta awe.

Mason a añadi cu Cy tabata un ser humano “down to earth”, humilde, kende a stima Aruba, a tuma su rol di liderazgo hopi na serio y a traha den un ekipo pa haci e trabao cu mester a wordo haci. E isla aki cu tur miembro di Costa Linda ta yama nan di dos cas ta hopi gradici na e hendenan di Aruba cu e calor humano cu nan ta brinda ta haci nan sinti nan mes berdaderamente na cas y feliz di tin e luho y placer di bin Aruba, Measel a conclui.

Gale Measel a remarca cu nan ta sinti nan mes berdaderamente bendiciona cu tin bon hende pa haci e cosnan corecto na momento cu esaki tabata necesario. Naturalmente tur cos no ta perfecto, pero tin e boluntad semper pa traha pa soluciona tur cos, el a agrega.

Concluyendo Russell a comparti un poco tocante di su bida cu su tata y a gradici tur esunnan presente y esunnan cu a dicidi di dedica e sala na su tata. El a splica cu ora e tabatin 15 aña el a siña su tata hunga golf, simplemente pa e pasa mas tempo cun’e y siña mas posibel di bida di dje.

“Ami ta exitoso pa via di dje y Costa Linda ta exitoso pa via di dje,” Russell a comenta, añadiendo cu su tata tabata un homber fuerte pa biba y trata cun’e y igualmente e tabata hopi apasiona y tabatin un amor inmenso pa comparti cu tur hende.

E no ta pasa cu frecuencia cu un grupo grandi asina di hende ta organisa un tributo asina pa un persona, Russell a expresa cu admiracion. Finalisando, el a bisa cu su tata lo a responde e honor na su forma humilde di ta y e ta contento cu e reconocimento cu sigur su tata ta merece.