Oranjestad-Diahuebs anochi den Blossoms Restaurant a tuma lugar e coronacion di nos representante pa Mrs Universe 2013, Miranne Geerman. Cathy Helder representante di GLW Foundation a haci e introduccion di Miranne Geerman. Ysaura Wong Giel Mrs Universe LTD 2012 y Sergio Winterdaal Mr Aruba Hisponoamerica a corona nos represente pa Mrs Universe 2013. Rochi de Cuba lo ta encarga cu e vestuario di e “opening act” pa e certamen y di esun pa Miranne Geerman. Ysaura Wong Giel a splica cu e certamen di Mrs Universe 2013 lo tuma lugar na Westin Aruba Resort dia11 di augustus 2013. Aruba lo host e certamen di Mrs. Universe den cual 40 señora di diferente parti di mundo lo ta yegando e isla desde dia 3 augustus pa asina representa nan pais.Tambe prensa internacional for di Venezuela, Colombia, Brazil, Argentina, Merca lo ta presente.Ta importante pa menciona cu e tema principal di Mrs. Universe 2013 lo ta ‘Violencia Domestico’.Ya carchi general ta benta na Blossoms Restaurant, JH Yee’s y Garage Centraal pa $ 40. Pa carchi VIP bo por tuma contacto cu e Facebook di Mrs Universe in Aruba 2013. Bishita e website di noscara.com y tambe zoomaruba.com riba internet pa asina sigui tur paso di e certamen aki.