Durante di desayuno privá pa delegadonan di ANATO 2015
WILLEMSTAD, Kòrsou: Resientemente SHOWBIZZ International tabata invitado na un desayuno ku agensianan di biahe na Colombia. Anualmente e asosiashon colombiano di agensianan di biahe i turismo ta organisá e feria ANATO ku ta konta ku un gran kantidat di ekspositor, ku durante di 2 dia ta eksponé nan produkto òf servisio. SHOWBIZZ International ta gradisí CTB un di su branding partnernan di “Concierto Viva la Música Latina Curaçao 2015” pa e invitashon i e oportunidat di oro ku nan a risibí. ANATO ta un di e ferianan internashonal di turismo di mas grandi na Colombia i den su kategoria un di e tres eventonan di mas grandi den Sur Amérika. Di akuerdo ku sr. Steve Hudson di Showbizz International B.V,”E oportunidat ku nos a risibí pa presentá “Concierto Viva la Música Latina Curaçao 2015” durante di un desayuno privá ku agensianan di biahe a wòrdu risibí ku brasa habri. Nos a hasi bon uso di esaki pa presentá e aliniashon estelar di artistanan ku lo ta bishitando Kòrsou pa e konsierto. Mirando e reakshon di parti di e agensianan di biahe ta spera hopi bishitante for di region Latinoamérika”. Fanatikonan di músika latina lo bai keda enkantá. Riba djabièrnè dia 29 di Mei próksimo lo tin presentashon di Gilberto Santa Rosa, Grupo Guaco de Venezuela i Jorge Celedón. Riba djasabra dia 30 di Mei lo tin presentashon di Olga Tañón, El Gran Combo de Puerto Rico, José Alberto El Canario i Alberto Barros. “Concierto Viva la Música Latina Curaçao 2015” lo tuma lugar riba e parkinglot di SAMBIL Curaçao. Entrada pa e konsierto ta Naf 200 pa un anochi i Naf 350 pa ámbos anochi. Konsultá bo agensia di biahe faborito i puntra pa un pakete inklusive bo estadia. Karchinan lo sali pronto na benta, mientrastantu por kumpra karchi ‘online’ via di www.ticketscaribbean.com . Ademas di bishitantenan for di region Latinoamérika ta premirá un gran kantidat di fanátiko for di Aruba i Boneiru, sin lubidá Isla Ariba i Sürnam. Karchinan ‘online’ ta mesun preis ku ta wòrdu bendí lokalmente Naf 200 / $115 pa un anochi òf Naf 350 / $200 pa tur dos anochi. Keda pendiente pa algun kampaña interesante riba e página di Facebook di Viva La Musica Latina.