Despues di práktikamente un aña di preparashon, e momentu a yega pa SHOWBIZZ International BV sali públikamente ku un proyekto musikal Internashonal di gran embergadura.“Concierto Viva la Música Latina Curaçao 2015” … E nòmber ta papia pa su mes. Riba dianan 29 i 30 di Mei próksimo lo tin un eksploshon di Música Latina na Kòrsou ora no ménos ku 7 artista/agrupashon musikal presentá na Kòrsou repartí den dos anochi. Ta trata akí di artista i agrupashonnan musikal di gran taya. Kòrsou su amantenan di músika Latina lo bai keda enkantá ora nan trit Yu di Kòrsou, ku ta multi kultural, pero igualmente deleitá strañeronan bibá na Kòrsou manera entre otro colombiano-dominikano-puertoriqueño i venezolano. Ademas nos organisashon ta spera di risibí un kantidat grandi di turista ku lo bai tende di e evento musikal Internashonal akí i lo opta pa bini Kòrsou pa disfrutá di e dos anochinan di e Konsierto. Durante e fin di siman di luna di Mei, riba dianan 29 i 30 próksimo, lo t’ei pa duna nan presentashon na Kòrsou e siguiente famoso artistanan i nos ta duna bo nan nòmber den e sekuensia di nan presentashon repartí riba e dos anochinan.  “Concierto Viva la Música Latina Curaçao 2015” a kontratá p’abo, fiel gustadó di Música Latina, e siguiente artistanan i nan respektivo agrupashonnan:

Djabièrnè 29 di Mei :

Grupo Guaco de Venezuela

Gilberto Santa Rosa

Jorge Celedón

 

Djasabra 30 di Mei :

El Gran Combo de Puerto Rico

Olga Tañón

José Alberto El Canario

Alberto Barros

 

En total pues, 7 artista di taya, … 7 artista sumamente famoso i kada un ku nan enorme fanatikada na Kòrsou. UN CONCIERTO DI  MÚSICA LATINA PURO PURO KU UN ORA I MEI DI PRESENTASHON PA KADA ARTISTA Efektivamente… Públiko bishitante lo disfrutá di 7 Konsierto, kada un ku durashon di un ora i mei. 7 konsierto kaminda kada un… ta un !! Riba e dos anochinan akí públiko lo disfrutá di tur un poko. GRUPO GUACO: un agrupashon di Venezuela konosí pa su mix di salsa, funk i hasta un poko di rock & roll. GILBERTO SANTA ROSA: el Caballero de la Salsa, oriundo di Puerto Rico, un kantante super popular ku gran fanatikada, mashá kerí pa nos aki na Kòrsou, músiko ku semper ta trese piesa nobo riba merkado. JORGE CELEDÓN, konosí tambe komo Jorgito, intérprete di música vallenato di Colombia, ku por fin lo ta na Kòrsou pa ofresé su konsierto despues ku el a kosechá tantu éksito na nos hermana isla Aruba e último añanan. EL GRAN COMBO de PUERTO RICO, un orkesta di puru salsa, ku na 2012 a kumpli 50 aña di eksistensia. PUNTO!! TUR presentashon di nan na Kòrsou tabata inolvidabel. OLGA TAÑON, yamá ‘Mujer de Fuego’, un artista multi talentoso di Puerto Rico ku ta presentá un show enkantador ku muzik di merengue i Pòp Latino. JOSE ALBERTO el CANARIO, dominikano, intérprete di salsa i salsa romántiko ku un habilidat impreshonante pa flùit. E tin un CD nobo ku un piesa Bailando Danzando, pegá riba tur ‘hit parade’ lokal. ALBERTO BARROS, artista colombiano, intérprete di muzik di kumbia i salsa bailabel. Tres agrupashon latino riba esenario djabièrnè i kuater djasabra. I tuma nota ku kada un… ta un!!  Masha poko biaha ta logra haña tantu artista/agrupashon di peso asina den un konsierto internashonal na Kòrsou , pero mas importante ainda… tur e dos anochinan bo ta gosa i baila na bo antoho sin pèrdè ni un solo piesa! DIREKTOR MUSIKAL LOKAL GREGORY COLINA LO ASISTÍ NA FORMASHON DI E ORKESTA DI JOSÉ ALBERTO EL CANARIO KU SIERTO MÚSIKONAN LOKAL OF MÚSIKO BIBÁ NA KÒRSOU !! Deliberashonnan intenso a tuma lugá entre nos organisashon i representantenan di e artista José Alberto el Canario, pa nos organisashon por a konvens’é nan pa inkorporá algun músiko profeshonal di Kòrsou òf bibá na Kòrsou den e banda musikal ku lo kompañá e artista ei. Despues di hopi kòmbersashon i negosiashon entre nos organisashon ku representantenan di el Canario kendenan despues a deliberá ku e artista mes, a bin logra mutuo akuerdo. Mesora nos organisashon a duna honor na el maestro Gregory Colina, músiko i direktor lokal, pa tuma e tarea akí i negoshá ku representantenan di e artista pa yega na un akuerdo riba konstelashon definitivo di e orkesta. Esaki ta trese kuné ku José Alberto El Canario ta e úniko orkesta/agrupashon Internashonal ku lo ta na Kòrsou dos dia promé ku tur e otro artistanan i esaki ta pa duna tempu pa e orkesta akoplá ku e músikonan lokal skohé pa El Maestro Gregory Colina.

UN SOLO ESENARIO

Nos organisashon, despues di hopi investigashon i konseho di hendenan versá den e mundu di ambiente latino, a disidí di traha un solo esenario i laga públiko disfrutá di KADA UN di e konsiertonan sin pèrdè niun piesa. Pues e echo ku ta un solo Stage ta bai harma, ta duna e garantia ku lo bo no pèrdè nada nada di e 7 agrupashonnan ku lo ta na Kòrsou durante e dos nochinan di konsierto. Ta konstruí un stage enorme, sufisientemente grandi pa garantisá kambio rápido di un agrupashon pa otro, mei ora entre banda pa banda.

SONIDO I LUS

E parti akí ta den man di MASSIVE Sound, ekspertonan na Kòrsou riba tereno di sonido i lus. Ya preparativonan ta tumando lugá i e kompania di sonido ta den estrecho deliberashon ku kada agrupashon pa asina garantisá un sonido limpi i bon.

LUGÁ: “ESTACIONAMIENTO SAMBIL CURAÇAO” KOMO PRIMISIA !!

Aki tambe nos organisashon a studia hopi i a tuma su tempu pa analisá diferente posibilidat logístiko, pero tambe trese novedat, buskando primisia i detayenan diferente. Konsiderando ku den pasado, pa asina tantu biaha nos komo promotor a realisá eventonan ku práktikamente for di nada a bira algu grandi, e biaha akí lo no ta un eksepshon. Nos  a studia koutelosamente unda i kon pa trese e evento akí i finalmente, for di nos promé kòmbersashon ku propietarionan di SAMBIL Curaçao, Gerensha ku brasa habrí a yama bon biní na “Concierto Viva la música Latina Curaçao 2015” Estacionamiento SAMBIL Curaçao ta e sitio perfekto pa e evento akí. Un tereno kompletamente asfaltá, hanchu, pues ku masha hopi espasio. Ademas, e sitio akí lo pone su mes na prueba, komo ta e promé evento grandi ku lo tuma lugá na SAMBIL Curaçao. Ta bini aserka ku kaminda SAMBIL Curaçao ta situá, ta un punto stratégiko, fásil pa yega n’é, sin molèster at all pa bisiñanan i loke ta masha importante: posibildat pa stashoná bo outo riba e mes tereno ku abo ta.

LUGÁ PA PARKER DJIS RÒNT DI SAMBIL CURAÇAO MES

Un punto ku a pisa mashá pa nos a skohe SAMBIL Curaçao, ta e echo ku rònt di e kompleho SAMBIL tin basta espasio pa parker, pues no tin nodi di bai pone outo mucho leu. Ta asina ku na SAMBIL Curaçao mes tin hopi lugá di pone outo, i na parti patras di e kompleho tin ademas dos tereno ku ta pertenesé na e propietarionan di SAMBIL. Ademas djis einan mes, alrededor di SAMBIL Curaçao tin tereno masha grandi ku despues di deliberashon ku e doñonan nos organanisashon ta spera di haña pèrmit di usa nan pa pone outo i garantisá asina mas espasio pa hopi outo por parker na distansha masha kòrtiku for di sitio di e evento. Pero klaro, dependiendo di e kantidat di públiko bishitante (segun benta lo mustra) lo bai na limpia mas tereno djis den e área di SAMBIL Curaçao mes pa brinda ainda mas espasio pa parker.

EVENTO PA BOOST EKONOMIA DI KÒRSOU DEN ‘OFF SEASON’

A skohe e fechanan pa dos anochi di e evento internashonal, konsiderando ku… produsí un evento Internashonal di e nivel akí, lo mester duna komo resultado ku ekonomia di Kòrsou ta  haña un tremendo Boost den e temporada di turismo generalmente abou. Hotèlnan lo yena, i restorant ku pakusnan lo mester sinti e efekto konsiderablemente den luna di Mei ku usualmente ta un luna masha ketu na Kòrsou. Taksi, aeropuerto, sightseeing tour operators, negoshinan lokal, tur pero tur lo benefisiá di e evento gigantesko akí i esaki ta algu di aplaudi.

CURAÇAO TOURISM BOARD TA GRANDEMENTE “ON BOARD” !

CTB, Curaçao Tourism Board tambe a mira e importansha di bula drenta den e proyekto akí i sosten’é tur ku tin ku tur nan posibilidatnan pasobra nan tambe ta konvensí ku ta e tipo di proyektonan akí por duna sektor turístiko e empuhe nesesario ku tur benefisio ku esaki ta trese kuné. Pa CTB tambe, e eskoho di e dos fechanan a kai den masha bon tera, konsiderando ku fin di Mei ta off season i ku un proyekto di e magnitut akí, hotèlnan por probechá masha bon mes i traha riba paketenan atraktivo pa yena nan kambernan. CTB a negoshá ku nos organisashon un akuerdo kaminda tur dos partido tin nan benefisio, ke men un “Win Win situation”.

PROMOSHON INTERNASHONAL NA GRAN ESKALA

CTB su mayor kontribushon den henter e proyekto ta pa organisá i koordiná henter e aspekto di promoshon Internashonal na e nivel di mas haltu ku tin. Un promoshon Internashonal ku sin duda lo laga e turistanan tende di e evento i skohe pa bishitá Kòrsou na luna di Mei próksimo pa nan bin gosa di e evento musikal akí. Promoshon lo kore na Colombia, Venezuela, Miami, Sürnam, Alemania, Panamá, pero tambe na Sint Maarten, Boneiru i nos Isla ruman Aruba. Awor ku Jet Blue a kuminsa bula e ruta New York – Kòrsou, ta e intenshon pa promové un poko tambe na New York ounke no ku e mesun fervor, konsiderando e echo ku New York ta un siudat kaminda ku masha frekuensia e artistanan ku ta biniendo Kòrsou ta aktua ku regularidat. CTB ta pensa ku ta masha nesesario pa hasi  promoshon na Canada sí. Un promoshon fuerte ku lo kubri televishon, radio i prensa skirbí. Ademas, CTB huntu ku nos organisashon lo tene diferente rueda di Prensa for di awor na diferente di e Pais/Siudatnan ariba menshoná pa kubri e futuro evento. Próksimamente CTB lo asistí nos organisashon ku kòmbersashonnan ku tantu AVIANCA komo COPA Airlines i ku INSEL Air ku e fin di logra akuerdonan importante di nan partisipashon den e totalidat di e magno evento akí. Na Venezuela, nos organisashon tin kontakto ku personanan klave den e mundu di aviashon ku ta intermediando pa logra sierto buelo charter ku e kompanianan Avior i Rutaca ku ya ta bulando e ruta Venezuela-Kòrsou. Ta konosi ku venezolanonan ta gusta e tipo di eventonan akí mashá i nan ta semper kla pa bula bini Kòrsou pa disfrutá di dos anochi di ‘Pura Música Latina’.

PARTISIPASHON di SEKTOR KOMERSIAL

Nos organisashon, ku masha orguyo ta informá mas aleu ku a logra akuerdonan apsolutamente importante ku empresa/kompanianan lokal. I esaki tabata por, pasobra tur e kompania/empresanan akí tambe ta kere den e proyekto i nan tin bon eksperensia ku e organisashon/produktor – o sea e motor tras di e proyekto akí. Nos organisashon a monta un kampaña promoshonal sufisientemente interesante pa asina por a aserká sektor komersial pa presentá nos proyekto i e aseptashon tabata tremendo. Ku esaki tambe, un biaha mas a keda demonstrá ku ora un proyekto ta bon strukturá i ta mustra alentador, bo ta logra haña partisipashon di sektor komersial, MASKE EKONOMIA TA SLOW. P’esei mes, nos organisashon ta masha masha kontentu i satisfecho di a logra su meta pa loke ta trata e patrosinio. No tabata un tarea fásil, pero ku nos konvikshon, ku aki ta trata di un proyekto bon pa Kòrsou su públiko i su ekonomia, ku e vishon di hasi algu diferente ku ta a la bes un aporte positivo pa nos Kòrsou, nos a subi kaya i a logra konvensé nos Branding partners… i ku sumo plaser mi ke anunsiá nan: KUSTERS’ Trading ku su Serbes POLAR i tambe awa emboteyá di marka AQUA HUCOR ku KFC – PIZZA HUT – SUBWAY VANDDIS /LOVERS’ LICORES MADURO ku DEWAR’S CTB Curaçao tourism Board i……….. Renaissanse Curacao Resort & Casino ku ta e Resort ofisial di e evento kaminda tur e 7 agrupashonnan musikal lo hospedá. Nos organisashon ta ekstremadamente kontentu i agradesido pa e apoyo ku e ta risibiendo, pues tur esaki ta garantia apsoluto pa tur kos kana debidamente i bon organisá. Durante e 5 lunanan ku ta sigui, lo tin anunsio di diferente promoshon di nos Branding Partnernan, kada un ku algu diferente. Pero un kos ta sigur, nos organisashon por garantisá ku lo NO tin Early Bird ku ya a pèrdè su gimmick. Kada Branding partner, den estrecho komunikashon ku nos organisashon lo analisá koutelosamente kada detaye di kualke oferta i/o kampaña spesial ku mester sirbi interes di esnan ku ta kumpra karchi pa bai gosa di e konsierto, pero tambe interes di e negoshi di e Branding partner. Ademas di e Branding Partnernan, diferente otro instansia a duna i ta dunando nan apoyo i máksimo kooperashon na e evento akí manera e.o Selikor Kuerpo Polisial