presentashon EN BIBU di Ginuwine, Bobby V, and Fatman Scoop

WILLEMSTAD – Djaweps 15 di òktober último Color Events Curaçao – e asosiashon organisatorio di CLUB7: “Where my ladies at?” – a tene nan promé enkuentro ku prensa kaminda nan a kompartí tur detayenan pa loke ta trata e evento binidero ku ta mustra di bai bira e evento di mas grandi den e gremio aki.

Color Events Curaçao, un organisashon di evento di músika den e rango di R&B, Soul I Hip Hop, ta trese pa promé biaha un konespto di un fiesta kombiná ku presentashon en bibu di artistanan internashonal. E lokalidat di e evento lo keda transformá únikamente pa e anochi aki den un diskoteka pa laga bo sinti e sensashon di un klup. E tim para tras di e imenso evento aki ta konsistí di un grupo di profeshonal dinámiko, kreativo, i yòn. Sinembargo e karanan ku ta representá e organisashon ta Srta. Virginia Constansia huntu ku Srta. Gina van de Laar. Pa garantisá un eksperensia inolvidabel e organisashon ta trahando ku entre otro LOOF Production & Decorations, Massive Productions, i tambe Curaçao Marriot Beach Resort & Emerald Casino.

Esaki ta praktikamente e promé edishon di CLUB7 titulá “Where my ladies at?”. Pa promé biaha den historia Kòrsou ta bai eksperensiá un fiesta di e magnitut aki ku alabes ta enfoká riba un ambiente íntimo pa medio di e eskoho di lokalidat di forma ku e ta keda kompakto i privá. Riba e anochi espektakular aki fiel fanátikonan di R&B i soul lo sa sigur di pone e lugá ariba abou. E diferensia ku otro evento asinaki  ta e presentashonnan en bibu di tres artista ku hopi talento i renombrá riba e tereno di R&B soul i Hip Hop. Nos ta referí na nada mas i nada menos GINUWINE, BOBBY Valentino, i FATMAN SCOOP. Ginuwine a kuminsa su karera komo kantante na aña 1994 i a sa di kolaborá ku diferente artista konosí. E ta kla pa hiba nos bèk den tempu. Bèk na komienso di R&B, rekordando “In those jeans” i “Differences” (part II) i tambe su vershon ku ta hopi gustá na e momentu nan aki den kolaborashon ku duo di Tough Love – Pony (Jump on it). Bobby Valentino òf mihó konosí komo Bobby V, su promé kantika “Slow Down” a bira number 1 “R&B single”. Despues e tabata tin di diferente otro kansion ku a pega manera “My Angel”, “Anonymous” i tambe “Tell me”. Scoop tin hopi aña den e mundu di músika i a traha hopi di aserka ku diferente músikonan famoso. Algun vershon ku probablemente bo ta kòrda ta hitnan manera: “Drop”, “Lose Control”, “Be Faithfull”. Si dado kaso bo ke rekordá huntu ku nos e dushi tempu di antaño sòru pa bo tambe ta den e lugá.

Fecha: Djasabra 5 di dezèmber 2015

Lugá: World Trade Center

Ora: 10:00pm – 4:00am

Presentashon lokal di

DJ Ramil & DJ RO-1 I MC Chris Strick

Prèisnan: $70 Entrada General, $210 VIP, i pa VIP PLUS porfabor manda un petishon na info@coloreventscuracao.com.

Benta di karchi ta kuminsa for di 26 di òktober na Bruna, Mensing Caminada i 24 uur uit de Muur. E públiko en general ta bai tin akseso na un tremendo espasio pa baila net dilanti senario mientras e sekshon di VIP ta situá na kada banda di e senario. Pa un enkuentro mas íntimo tin e aria di VIP PLUS esaki, pa ta mas eksakto ta keda riba senario na banda di e artistanan. Tur dos pakete di VIP ta enserá un ALL-IN open premium bar ku ta inkluí entre otro Moët and Chandon, Luc Belaire, Hennessey, Grey Goose, Ciroc, i hopi mas. Despues di fiesta tin mas fiesta. Kuminsando for di 4:00am te ku 7:00am e públiko di “Where my ladies at?” ta keda kordialmente invitá pa siguí ku un afer party na Curaçao Marriot Beach Resort & Emerald Casino – e destinashon pa fakansi di mas lukrativo ku nos isla tin pa ofresé. Kontinuashon di e fiesta ta solamente aksesibel pa e personanan ku a bai e evento den WTC. Porfabor tene na kuenta ku ta un kantidat limitá di persona por drenta. Esun ku yega prome ta bebe awa limpi.

Riba 4 di dezèmber Curaçao Marriot Beach Resort & Emerald Casino ta anfitrion di un ‘Meet & Greet’ kaminda por sera konosí ku e artistanan. Tur persona presente lo risibí un oportunidat úniko pa konose kada un di e músikonan personal den un ambiente relahante den estilo di un happy hour rondó di pisina. Komo si fuera esei no ta sufisiente pronto ta kuminsa ku un kampaña riba e ret nan sosial kaminda abo por bira e felis ganador di un enkuentro eksklusivo ku e artistanan patras di senario  huntu ku un kompaño durante e anochi di e evento mes. Pa mas detaye relashoná ku dia 4 di dezèmber i e kampaña por fabor sigui nos pa medio di nos diferente páginanan sosial.