Un biaha mas Colegio Arubano ta participa den e proyecto fantastico yama Good 4 The Neighborhood. Nan tin 6 aña caba participando den e proyecto aki y ta hañe super leuk. E proyecto ta uni studiantenan na scol, ta siña nan teamwork, plan y hopi mas. E aña aki lo traha un short movie tocante con bo por bira un “saving star”. Kico abo ta considera como un “saving star” of kico abo kier “save”, esey bo mes mag inventa. Colegio Arubano a dicidi pa scoge un topico diferente. A scohe “Save our talent”. Dicon a scoge esaki? Esey ta pasobra nan ta di acuerdo cu tin hopi talento no solamente na Colegio Arubano pero na tur scol y den diferente ramo. Hopi hende no ta consciente di e talentonan bou di nos hobennan. Nan no ta duna nan atencion y asina Aruba ta laga talentonan importante bay perdi. Kico kier logra cu esaki? Kier haci henter Aruba consciente di tur e talentonan di nos hobennan. Colegio Arubano kier salba tur e talentonan di nos hobennan door di inverti den nan. Si inverti awo den e talentonan di nos hobennan, Aruba ta gana hobennan sano, positivo cu ta aporta na un “One Happy Island”. Awe y mañan. “Some people say, “Save water”, “Save electricity”, “Save money”, but how about saving our talent and imagination?” –Dhanya Mirchumal (Studiante di Colegio Arubano)