Rei di Tumba 2020 tambe lo ta presente na Sambil

WILLEMSTAD – Coca-Cola ta organisá djaluna 17 febrüari un ‘Meet & Greet’ ku e banda popular Gentz na Sambil. Entre 5 ‘or di atardi i 7’or di anochi e agrupashon músikal lo ta na e podio prinsipal di Sambil. Kantante di Gentz i Rei di Tumba 2020, Raey Lauffer, tambe lo ta presente pa interpretá su tumba ganadó ‘Kòrsou t’ei bula’.

E promé 500 bishitante lo risibí un ‘Gentz Par’é sèrbètè’. Ku e gimmick aki Coca-Cola ta apelá na e ‘hype’ rondó di e ‘kick’ di e banda. Durante nan presentashonan tur integrantedi Gentz ta wòrdu yamá dilanti pa nan waya nan sèrbètè pa e públiko excitá.

“Gentz i Coca-Cola ta invitá un i tur pa asisití na e evento grátis na Sambil i pa saka nan pòrtrèt ku e banda, i ademas pa disfrutá naturalmente di e presentashon músikal i e bòter chikí diCoca-Cola!” asina Coca-Cola su Gerente di Merkadeo Myrthe George-Verhulst ta bisa.

E kolaborashon ta bini di e lansamentu di e bòter mas chikí di Coca-Cola di 12oz. Pa enfoká e introdukshon den e periodo di karnaval e kompania di refresko a uni forsa ku Gentz. Pa e okashon aki e banda a graba un jingle i un videoclip.

E bòter nobo di 12oz ta optenibelden e tres sabor: Coca-Cola Original Taste, Coca-Cola No Sugar i Sprite. E añadishon na e portafolio di refresko ta hasi’é mas fasil pa e konsumidó por manehá su konsumo di kaloria. E introdukshon di e bòter chikí ta parti di e vishon di Coca-Cola pa sigui ekspandé e variashon di bebidanan. E strategia aki ta sigui e desaroyo bou di konsumidó ku a transformá mundialmente. E konsumidó kier mas sabor i mas opshon di bebida  i un empake mas chikí. Ku esaki na mente, Coca-Cola Curaçao ta ofresé awor un bebida i un empake pa kada nesesidat i antoho.