Komo un di e spònsernan ofisial di WK Futbòl, Coca-Cola a organisá un kampaña pa su konsumidónan. Riba e tapa di oro di tur produkto produsí lokal (Coca-Cola, Coca-Cola No Sugar, Sprite, Coco Rico, FRIA en Criollita), a pone un imágen di un futbòl. Por a kambia e tapanan aki pa diferente produkto i premio. Esaki den kolaborashon ku nos partnernan: Select Automotive (Volkswagen Curaçao), Adidas i Sambil. Dor di yena lòt, kual tabata grátis òf por a wòrdu kambiá na entregá di 5 tapa di oro, konsumidónan na Kòrsou i Boneiru por a partisipá pa gana e premio mayó.

E kampaña a klousura ku entrega di e premio mayó; un Volkswagen Saveiro 2023, kual a wòrdu hasí disponibel dor di Select Automotive (Volkswagen Curaçao). E felis ganadó a wòrdu skohé 30 di desèmber 2022 último.

Durante di e entrega ofisial den presensia di invitadónan riba 4 di yanüari 2023 último, Coca-Cola i Select Automotive (Volkswagen Curaçao) a hasi entrega di e Volkswagen Saveiro 2023 na e respektivo ganadó: señora Dayanara Meulens. Entrega di e premio a tuma lugá na Select Automotive, na Seru Loraweg.