Tropical Bottling hunto cu Burger King. Pa prome biaha den historia ta hunga un wega di “El Clasico” pafo di Spaña
ORANJESTAD, Aruba – 2 di Juni 2017: E aña aki pa prome biaha den historia, “El Clasico” lo hunga un wega for di Spaña, esaki lo tuma luga na Miami. Aki e ekipo di futbol Real Madrid lo enfrenta Barcelona dia 29 di Juli 2017. Pa esaki Burger King hunto cu Coca Cola lo regala un premio entre nan clientenan, di cual lo hiba un ganado Miami pa mira e wega. Desde dia 1 di Juni Burger King ta cuminsa cu su campaña “The Clash of the Kings” den cual lo hiba 2 persona Miami pa mira e wega di El Clasico.
Burger King hunto cu Tropical Bottling lo saca e ganadonan, asina Manager di Burger King Aruba, esta Gerald Sarmiento a duna di conoce. Burger King a gradici Tropical Bottling pe cooperacion cu semper nan ta ricibi. Tropical Bottling ta orguyoso di forma parti di e campaña aki, di acuerdo cu Regine Nicolaas, Key Account Manager na Tropical Bottling Company.
Ta masha facil pa participa, cu cada compra di 25 florin na un di e restaurantnan di Burger King, bo ta ricibi un stempel riba bo coupon y na momento cu acumula 3 stempel, Bo ta yena bo informacion personal riba e coupon y deposita esaki den e drop box na un di e restaurantnan di Burger King. E prome premio ta ticketnan pa El Clasico dia 29 di Juli 2017, unda cu 2 persona ta gana trip pa Miami, 4 anochi inclui vuelo y estadia. Tambe e ganado lo ricibi $500 cash pa gasta. E di dos premio lo ta un Gift Certificate di 500 florin di Sports Shop. E campaña ta valido desde 1 di Juni te cu 20 di Juli 2017 y na momento di saca e ganado, lo informa e ganado personalmente y presenta riba e pagina di Facebook di Burger King.
Na Aruba tin hopi fanatico di Real Madrid y Barcelona y esaki ta un oportunidad pa gana ticket pa bay mira wega di El Clasico. “Tin hopi hende ta planeando e trip aki pa basta tempo y tin hopi cu a keda afo. Bishita Burger King, cualkier di e sucursalnan, upgrade 2 di bo combonan y bo ta yega na e suma di 25 florin, 3 stempel bo mester pa por participa den e campaña aki”, asina Rebecca Zievinger, representante di e departamento di Mercadeo di Tropical Bottling Company a splica.
Si Bo tambe kier mira e wega di Real Madrid contra Barcelona, no perde e oportunidad aki. Pasa na un restaurant Burger King, ricibi un stempel pa cada compra di 25 florin, spaar 3 stempel y bo ta participa! Mas coupon Bo logra yena y entrega, mas chens bo tin pa gana.
“Si e ganado di e premio grandi ta un menor di edad, un adulto mester compañ’e, segun Lev Varela, Multi Outlet Manager di Burger King a remarca. Ta importante pa cu ambos persona tin un paspoort valido y si no tin paspoort Hulandes, tene cuenta cu lo mester aplica pa visa pa por drenta Merca. Si e ganado di e premio no por biaha, Burger King y Tropical Bottling lo saca un otro ganado. Pa mas informacion subi e pagina di Facebook BurgerKingAruba of sigui nan riba Instagram @BurgerKingAruba.