Pa komplasé e demanda grandi pa karchi di entrada pa e konsierto grátis di Juanes i Oscar D’Leon riba e tereno di festival na WTC riba jaweps 3 di sèptèmber, organisashon a disidí di transmití e konsiertonan “ bibu” via un pantaya grandi riba Brionplein.

E karchinan di entrada pa e konsierto gátis tradishonal riba e tereno di festival  promé ku e festival a keda parsialmente repartí durante un evento festivo na Barber riba dia 2 di yüli i por lo demas nan tabata solamente optenibel na kompra di un pakete di karchi pa djabièrnè i djasabra.

Tur esnan ku no por a haña un karchi di entrada awor ta keda invitá pa bini Brionplein djaweps 3 di sèptèmber. E konsierto di Juanes ta kuminsá 20:00 or, siguí pa Oscar D’Leon ku aktuashon di La India i Ismael Miranda  22:00or. Karchi di entrada pa djabièrnè 4 i djasabra 5 di sèptèmber  ta optenibel ainda na e adrèsnan di benta ofisial: 24 Uur uit de Muur, Mensing’s Caminada, Mobile Planet iTik Tak. Kaha na banda di entrada di e tereno di festival ta habrí riba djárason 2 di sèptèmber di 14:00 – 18:00 or, djaweps 3 di sèptèmber for di 11:00 or i riba e dos dianan di festival for di 10:00 or.