Cera conoci con ta prepara Bo “combo” faborito

ORANJESTAD, Aruba – 2 di maart 2016: Muchanan ta gusta mira unda y con ta prepara nan Happy Meal, con nan batata ta wordo hasa y kico ta bai den nan hamburger faborito. Mayornan ta gusta siña di e ingredientenan cu ta bay den e muchanan su cuminda y con limpi e cushina ta unda e ta wordo prepara.

Cu esaki na mente, McDonald’s awor ta duna oportunidad pa e muchanan y mayornan pa comprende di unda e cuminda ta bon y con e ta wordo prepara. E programa “Open Doors” cu ya caba ta conoci den Latino America, a wordo lansa pa Arcos Dorados, cu ta frankisia di 20 restaurant di McDonald’s den America Latina y Caribe, pa trece un transparencia den e experencia ora di come na McDonald’s. Mas di un miyon di hende a haci e tour aki caba.

E programa “Open Doors” ta un iniciativa di Arcos Dorados cu ta permiti e cliente pa tuma un guia den e tour den e restaurantnan di McDonald’s. Pa solamente 30 minuut, bishitantenan por experencia e con e limpiesa den cushina ta y tambe con e proceso di e cuminda ta bay, nan por check e siguridad y calidad den caba etapa di e preparacion di e cuminda. E freezer, e deposito, e griller y e fryer ta algun stop durante e tour.

“Transparencia ta trece confiansa y confiansa ta laga nos clientenan bin bek. Nos ta orguyoso di nos calidad y ta kere den nos producto. Nos ta invita tur hende pa bishita nos cushina pa asina bo por mira e calidad y cuido uza pa bay den e cuminda na McDonald’s”, asina Sulina Vrolijk, Operation Manager di McDonald’s Aruba, a bisa.

Participantenan di e programa di “Open Doors” cu ta enfoca tanto riba muchanan di scol como tambe adulto, ta capaz pa mira con e cuminda ta wordo warda y prepara, kico ta pasa patras di e counter y den cushina y con e miembronan di e team ta sigur cu cada cliente ta ricibi exactamente kico nan e pidi pe.

“Ora e muchanan mira di unda nan cuminda ta bini, nan ta bira consciente pa bida largo y ta yuda nan pa haci pregunta y logra pa companianan mantene un standard halto”, asina Sulina Vrolijk, Operation Manager di McDonald’s Aruba, a bisa.

Den 2016 McDonald’s tin como meta pa alcansa mas di 5000 bishitante na Aruba. E programa ta habri pa tur hende. Pa participa, bishita McDonald’s situa na Palm Beach, Seroe Blanco of Santa Crus y inscribi pa e siguiente “Open Doors” tour, cu ta wordo duna diariamente. Bo por conta di bo experencia riba Social Media door di uza e Hash Tag #OpenDoors of #Puertas Abiertas.