Aruba Bank orguyoso di contribui na preservacion di historia di Aruba
ORANJESTAD, AUGUSTUS, ARUBA: Cu hopi orguyo Aruba Bank a forma parti di e celebracion di e ceremonia di apertura di e Faro di California diabierna ultimo. Dia 26 di augustus a keda marca como un fecha memorabel den desaroyonan positivo pa cu preservacion di sitionan historico y monumentonan na Aruba. Ta pa Aruba Bank un placer y honor grandi di por sigui contribui na acontecimentonan positivo riba tereno di desaroyo comunitario den diferente segmento na nos isla.
Durante di un evento special na e Faro di California, Executive Director di Aruba Bank Rocila Acosta a laga sa cu como e unico banco Arubano riba nos isla ta un satisfaccion enorme pa Aruba Bank por sostene Stichting Monumentenfonds Aruba SMFA den e recuperacion y rehabilitacion di un pida precioso di e historia di nos isla.
“Nos ta comparti nos felicidad cu pueblo di Aruba, en particular di nos empleadonan y clientenan di Aruba Bank,” Acosta a laga sa. Siguientemente el a anuncia cu tur cliente y empleadonan di Aruba Bank ta invita pa bishita e Faro di California gratis, esta cu nan por drenta y subi den e structura pa un tour special sin paga e tarifa di entrada. E regalo aki tin un validez di un aña, y ta valido pa diasabra.
Ta posibel pa cliente y empleadonan haci un reservacion riba e website di e Faro www.arubalighthouse.com. Nan por click riba e link di Aruba Bank Clients, y haci nan reservacion por lo menos 24 ora di antemano. Teniendo cuenta cu e limitacion di capacidad pa acomoda bishitante, e invitacion aki ta valido pa un maximo di 48 cliente tur diasabra. E tour cu tin un duracion di 20 minuut ta hiba e bishitante for di e entrada te na e top di e edificio.
Na su yegada e cliente ta mustra su carchi di ATM of Credit Card di Aruba Bank, plus un ID pa confirma su reservacion.
“Aruba Bank ta un banco reconoci pa su contribucion extenso na e comunidad Arubano. E proyecto aki ta facilita Aruba Bank pa sigui sostene e herencia di nos pais, y tambe yuda propaga nos cultura y nos historia entre nos hendenan,” Rocila Acosta a laga sa.
Como parti di e ceremonia di apertura oficial, sra. Nelleke Cardenas Sr. Marketing Officer hunto cu un cliente sra. Carolyn Rasmijn Britten a forma parti di prome tour di e Faro.
Pabien Aruba!