Digicel a premia clientenan cu a recarga net prome cu Pasco

ORANJESTAD, Aruba – December 2015: Digicel a dicidi pa rifa un regalo super fabuloso entre tur cliente cu a “top up” nan cuenta prepago riba Bispo di Pasco. No tabata importante e suma cu e cliente a recarga cun’e, pero e dia riba cual e cliente a recarga su cuenta, esta dia 24 di december. E temporada di fin di aña ta  ora cu hopi cliente ta haci mas uzo di nan telefon pa comunica cu nan sernan keri pa desea nan dushi dianan di fiesta. Tabata pues un  bon temporada pa Digicel agrega un poco alegria na e dianan di fiesta pa un cliente pa medio di un campaña special. Tur number di cuenta cu a wordo recarga riba dia 24 a keda registra pa e sistema automatisa di Digicel. Entre tur cliente, Magda Colastica a bira e feliz ganado di e bunita gesto di parti di Digicel y cu un sonrisa grandi el a ricibi su regalo di 2500 florin cash for di Elaine Singh, di e departamento di mercadeo y comunicacion di Digicel Aruba. E compania cu mas ta creciendo den henter Caribe, Centro America y den Ocean Pacifico ta desea tur cliente un feliz fin di 2015 y un 2016 alegre, fabuloso y prospero. Digicel tin plannan grandi pa 2016 y ta invita tur cliente pa keda atento y pendiente pa mas servicio, mas campaña y mas producto nobo.