Willemstad – Tur kos ta kanado nèchi ku e último detayenan pa FIESTA NÈCHI, Djasabra awor den e PARAISO di AMBIENTE, Rust & Burgh. Portanan ta habri for di 9pm ku musika di DJ John Anthony i DJ Morgan Isenia. Pa 10or “en punto” e talentoso musiko Arubiano ta ranka sali ku su promé sèt bailable. Riba e anochi aki, lo zona tambe algun tema NOBO NOBO di Claudius, entre nan “M’a garabo!” Pues FIESTA NÈCHI ta kuminsá for di tempran!

Por kumpra karchi Djasabra na Rust & Burgh.
For di Djasabra mainta, por kumpra karchi tambe na Rust & Burgh hinter dia. Tin karchi tambe na Mensings Caminada, Beep Beep (te 9pm) i Tik Tak den Punda. Karchinan ta na rason di Fls 50,= adelantá. Tene na kuenta ku anochi na porta e preis di entrada ta kambia., pues ta rekomendabel pa buska bo karchi for di tempran. Durante e anochi nèchi, lo tin area pa sinta i tambe un menú nèchi. Lo tin Pan ku Stoba, Saté di Galiña i Sòpi di Karni. Por parker riba e vèltnan rondó di Rust & Burgh, ku lo ta bon iluminá i ku siguridat pa tur hende por gosa trankil.
Pues tur kos ta praktikamente kla pa FIESTA NÈCHI i bo por sali kas trankil Djasabra anochi bin baila nèchi i pasa dushi den Rust & Burgh ku DREAMS i HNLY ku tei topa ku Claudius Philips & O.R.E.O. for di Aruba.