Kasi US$500,000.00 generá den henter region

Willemstad 12 di  Desèmber 2016, – CIBC FirstCaribbean su Walk for the Cure ku kada aña ta tuma lugá a generá den henter region un total di kasi US$500,000.00 e aña aki. E Nafl. 38,000.00 generá na Kòrsou ta bai pa Prinses Wilhelmina Fonds.

E kaminata, ku ta keda tené den e luna di Òktober, ta uni mas di 20 mil partisipante pashoná den 17 pais kaminda e banko ta operá.  Esaki ta un muestra di e banko su kompromiso pa asistí esnan afektá pa kanser.

Tur e fondonan ku a keda generá ku e kaminata atraves di añanan a bai pa sostené kuido na esnan afektá pa kanser, kompra di ekipo vital i nesesario pa trata pashèntnan ku kanser i pa organisá programanan edukativo pa krea mas konsenshi tokante di e malesa den region.

E aña aki e atrobe CIBC FirstCaribbean a partner ku Prinses Wilhelmina Fonds den kuadro di Walk for the Cure.  E patrosinadònan mayo di e evento aki na Kòrsou a inkluí Always, Amigoe, Antilliaans Dagblad, Curaçao Ports Authority, Ensure, Extra, HBN Law, Heineken, LBH Group, Listerine, Neutrogena, NuCuraçao Windparken B.V., Splenda i Tampax

Lysaira Ortela, Marketing Manager Dutch Caribbean di CIBC FirstCaribbean  a bisa:

“Nos ta kontentu di por a kontribuí pa di 5 aña sigui na e lucha kontra kanser den aliansa ku Prinses Wilhelmina Fonds.  Di e forma aki nos ta invertí e fondonan generá na un forma efektivo na bienestar di e kousa den komunidat.  Nos ta gradisí e patrosinadònan, kontributornan, boluntarionan, partisipantenan i nos staf pa nan kontribushon na e éksito di e aña aki i nan kompromiso kontinuo na kresementu di e kaminata kada aña atrobe.”

Kada aña, e Walk for the Cure ta keda tene na mes momentu ku Canadian Breast Cancer Foundation ta tene su CIBC Run for the Cure ku ta patrosiná pa e kompania madre di e banko esta CIBC.  CIBC a bin ta patrosiná e kareda aki pa mas di 20 aña, kontribuyendo ku un donashon di miónes na investigashon di kanser na Canada