Willemstad – E alumnonan di Kolegio Iris Bruyning a skohe pa subi kaya den un kaminata Pa Krea mas Konsenshi pa Amor, Toleransia i Akseptashon den nos komunidat komo nan forma di selebrá San Valentino 2019.

Alrededor di 386 mucha, entre edat di 4 pa 14 aña i kompañá pa 20 miembro di staf di e skol, a kana di vèlt di Quick 60 pa nan skol na Bonam. Nan a keda kompañá pa un brasbènt i tabata karga pankartanan ku tabata ekspresá nan kompromiso ku e balornan menshoná. E banko regional CIBC FirstCaribbean a sostené e inisiativa aki i a rekordá e studiantenan i komunidat kompletu kon importante amor, toleransia i akseptashon ta.

“E muchanan di Kolegio Iris Bruyning a kòrda nos ku nan marcha ku amor, toleransia i akseptashon ta importante den krea un komunidat di kua nos tur ta sinti ku nos ta parti di dje i den kua nos tur por prosperá a base di nos potensial. E pashon ku nan a demonstrá tabata kontagioso.  CIBC FirstCaribbean ta aploudí e inisiativa aki i a sostené e proyekto tambe,” Lysaira Ortela, e Gerente di Merkadeo pa e banko na Kòrsou a bisa.

E skol tin planeá pa usa e mesun shirtnan durante di nan selebrashon di e fiesta di Karnaval ya asina e espíritu di e marcha ta keda ku e hóbennan tambe mas despues di Dia di San Valentino.